गझल

सोसले अन्याय का रे? ऊठ तू आता तरी
षंढ म्हणती लोक सारे ऊठ तू आता तरी

कल्पना विश्वात रमणे शोभते का तुज असे ?
सोड ते स्वप्नील तारे ऊठ तू आता तरी

काय इतिहासात आहे? चाळसी पाने उगा

कुठे लुप्त झाले फुले-भीम-बापू?

किती ज्येष्ठ आहे, किती श्रेष्ठ आहे, किती सभ्य आहेत ही माणसे
परी माणसासारखी वागताहे, असे चित्र नाही दिसे फारसे

नाही खचायाचे कुणाच्याही नकाराने...
-मिळतो दिलासा केवढा नुसत्या विचाराने !

केवळ कुठे झाले तुझे नुकसान पैशांचे?
गेलीच अब्रूही तुझी झाल्या प्रकाराने !

हुसकून लावा फाटकाबाहेर शंभरदा..

तुझ्या निष्ठेवरी भाळून हा निर्णय नवा मी देत आहे
तुला वाट्टेल तेंव्हा यायची दु:खा, मुभा मी देत आहे

जरा संधी मिळाली की इथे चौखूर भरकटतो म्हणूनच
तुझ्या हातात माझ्या जिंदगीचा कासरा मी देत आहे

य़ा जगण्याचे आता मजला कौतुक वाटत नाही
चंद्रही तसा पूर्वीइतका सुंदर भासत नाही

कसली किंमत करता तुम्ही माझ्या त्या नात्याची?
ऐपत नाही घेण्याची, देण्याची दानत नाही!

भोगणारे भोगुनी,नामानिराळे
पाप सारे ते,भल्या माथी झळाळे

चेहर्‍यावर ते किती,त्यांच्या मुखोटे
हे बरे तुज,जे खरे खोटे कळाले

दोर जेव्हा कापले,मी परतण्याचे
सोबती अर्ध्यातुनी,मागे पळाले

इतिहास पुसला, पीत नाही जाम पहिल्या सारखा
कोठे मनाला वाटतो आराम पहिल्या सारखा ?

मी कास धरली सभ्यतेची काय झाला फायदा ?
लोकास वाटे आजही बदनाम पहिल्या सारखा

जरा साकळू दे, नवा घाव आहे
पुढे वेदनेचा,नवा गाव आहे

अता घे भरूनी, इथे श्वास ताजा
विहरण्यास तेथे,कुठे वाव आहे

कशी घातली तू, बळेची शपथ ती
तरी हे तुझे येथ, घुमजाव आहे

कसा बापडा रंक, झोपे भुकेला
इथे ढेकरातच,कुणी राव आहे

कसे नित्य येथे, उलटतीच फासे
कळेना कसा हा, तुझा डाव आहे

कधी मोकळे श्वास, घेशील का तू?
तुझ्याच परिघांती, तुझी धाव आहे

कुठे पंख पसरू, मला सांग येथे
पुरेशा नभाची, मला हाव आहे
फोन.....9821273412