नवा घाव

आपली गझल वाचून संगीता जोशी यांची ही गझल आठवली.
जमीन वेगळी आहे,पण नवा जुना घाव आणि जखमांचे साकळणे आले,की ही गझल आठवतेच. :)

हारण्यास एक नवा, डाव पाहिजे
साकळे जुना,नवीन घाव पाहिजे……

फत्तरास ही फुटू शकेल पालवी
आसवात तेव्हढा प्रभाव पाहिजे……..

अंध:कार संपणार आज ना उद्या
फक्त एक ज्योतीचा उठाव पाहिजे…..

दु:ख हेच एकमेव सत्य जीवनी
त्यातही हसायचा सराव पाहिजे……

--संगीता जोशी

आपल्या गझलेतील या शेरात दुसर्‍या मिसर्‍यात लय बिघडल्याचे जाणवते.

कधी मोकळे श्वास, घेशील का तू?
तुझ्याच परिघांती, तुझी धाव आहे

हा शेर आवडला.......

अता घे भरूनी, इथे श्वास ताजा
विहरण्यास तेथे,कुठे वाव आहे