गझल

मागणे संपले मागताना तुला
पोचलो  मी कुठे शोधताना तुला

वा! इथेही पाव आहे
बाटण्याला वाव आहे!

आरसे का हसू लागले?
चेहरेही फसू लागले

धीट माझी प्रीत होती

प्रत्येक शर्यतीचा मी भाग होत गेलो
हर एक मृगजळाचा मी माग घेत गेलो

मोडीत काढली ती तत्त्वे जुनाट सारी
बहुमोल दागिन्यांना मी डाग देत गेलो

दु:खात काय मोठे, ते रोजचेच आहे
घेऊन मी सखीसम त्याला कवेत गेलो

टीकास्त्र सोडणारे जमले किती शिखंडी
अर्जुन कुणी नसावा ह्या वंचनेत गेलो

जा वैषयिक सुखांनो, शोधा नवीन गात्रे
चिरकालच्या सुखाच्या आता गुहेत गेलो

मस्तीत जीवनाला मी कुर्नीसात केला
मृत्यूस भेटण्याही मोठ्या मजेत गेलो

ह्या कागदी फुलांच्या सोडून, 'भृंग', बागा
स्वप्नातल्या कळीचा मी शोध घेत गेलो

एकट्याची हातघाई चालली
ही स्वतःसंगे लढाई चालली

माणूस माणसासाठी आताशा धावत नाही