.....बरे दिसत नाही...!
Posted by प्रदीप कुलकर्णी on Friday, 20 March 2009.....बरे दिसत नाही...!
सांग, मला दळणाऱ्या जात्या, जात नेमकी माझी !
ज्यांचे झाले पीठ मघा, ते कुठले दाणे होते ?
गझल
.....बरे दिसत नाही...!
विरहाचे जाळती निखारे... भेट एकदा
खुणावती रोजचे किनारे... भेट एकदा
ती भल्या पहाटे कधी भेटली नाही
पण रात्र कधीही तिने टाळली नाही
मी तरी देऊ किती आवाज आता..!
अंतरांचा येइना अंदाज आता..!
हा रिता प्याला तुझ्या हाती दिला मी.
जहर दे वा अमृता त्या पाज आता..!
यौवनाचे बाण काळ्याभोर नयनी.
तू सुद्धा झालीस तीरंदाज आता..!
प्रेम जे मुदलात होते, माफ केले
राहिले पण आठवांचे व्याज आता..!
पाहता तुज छाटले बाहूच दिसले.
ताज, मी पाहू कुठे मुमताज आता..!
-- अभिजीत दाते
मी स्वप्न तुझे प्रेमाचे गुलजार उधळले होते!
तू गेल्यावरती मग का हे रक्त उसळले होते?
===============
गरजत आहे, बरसत नाही
गरजत आहे! हरकत नाही !!
हे तेवढे बरे झाले
शाप सारे खरे झाले
चंद्र असता रात्र काळी!
चांदणे घाबरे झाले
दोष माथी कुंपणाच्या
वादळाचे बरे झाले
खेळ होता जीवघेणा
मरणही साजरे झाले
बदलले काहीच नव्हते
ऋतू का हासरे झाले?
मोगरा बहरून आला
दारही लाजरे झाले