अबोली !!!
.
*

अजस्त्र ज्वाला लपापणा-या कणात माझ्या!
सहस्त्र लाटा उधाणती का मनात माझ्या?

*

मनाप्रमाणे निकाल लावू भल्याभल्यांचा,
मनुष्य कोठे.....? कुबेर मिंधा धनात माझ्या!

*

आषाढघनांचे गाणे वेचावे म्हटले होते
रंध्रांत सुरांचे गाणे पेरावे म्हटले होते

जो माझ्या वाटेवरती पेरून चांदणे गेला,
त्या लोभस आनंदाला भेटावे म्हटले होते

एकाकी अभिमन्यू मी, लढले पण अंती हरले

जो तो पळून जातो ऐकून ही कहाणी
बाजार हा खुळ्यांचा माझी व्यथा शहाणी

हे वेड पावसाचे डोळे भरून गेले
का अंतरात माझ्या ओलावली तराणी

ओझे तुझ्या कथेचे दारास टांगलेले

सुरुच आहे कितीक गावे तुला शोधणे
जिथे नभाला मिळेल धरती तिथे धावणे

नकोस पाहू उगीच स्वप्ने अशी एकटी
हळूच माझे कधीतरी ऐक ना बोलणे

कुणाकुणाचा विषय निघाला तुला सोडुनी...

का असे माझ्याकडे हटकून येते?
दु:ख सुद्धा माणसे पाहून येते

मी दिवसभर कोरडा असतो तसा पण
सांज ढळली की मळभ दाटून येते

रोज अश्रूंचा सडा परसात माझ्या
रात्र विरहाच्या कळ्या घेऊन येते

दमादमाने जातच आहे
कंप तरी श्वासातच आहे

रोज उगवतो सूर्य तरीही
जीवन अंधारातच आहे

दुर्दैवाला शह देतो पण,
मला मिळाली मातच आहे

गळा जाहला रुद्ध तरीही
सुरेल मन हे गातच आहे

ना दिवाळी पाहिली या लक्तराने !!!
.
*

ज्ञान का वाढे कुणाचे दप्तराने,
ना फ़ुलासी गंध येणे अत्तराने!

*

थांबवा थोतांड भोंदू-दांभिकांचे,
का खरे मरतात कोणी पंचकाने?

*

मी एकटीच येथे!!!(गझल).
.
*

श्वासात ना कुणाच्या ना स्पंदनात आहे,
मी एकटीच येथे माझ्या जगात आहे!

*

गोंजारले कितीदा माझ्याच मी चुकांना,
तो शाप पूर्वजांचा सलतो मनात आहे!

*