नोंद माझी घेतली नाही कुणीही...
नोंद माझी हीच इतिहासात आहे !
भेटलो कित्येक दिवसांनी मला मी...
आज मी माझ्याच सहवासात आहे !!... हे शेर विशेष आवडले.

अजब

नितांतसुंदर गझल प्रदीपजी!!
सायास, उल्हास, कंस आणि व्यास हे शेर तर अप्रतिम!! क्या बात है! 
कंसात मिसरा लिहिण्याच्या पद्धतीबद्दल मला जराशी अढी आहे. मी माझे म्हणणे एक-दोन ठिकाणी मांडलेही आहे. पण (वाच आता नीट...मी कंसात आहे !!) हा मिसरा कंसात अगदी अगदी चपखल बसतो!! वा वा!!

..........................................................
व्यासही माझ्यात...मी व्यासात आहे...!
............................................................
मान माझी कोणत्या फासात आहे ?
अंत माझा कोणत्या श्वासात आहे ?

यामुळे मैत्री तुझी-माझी न रंगे
संशयाचा रंग विश्वासात आहे !

व्यर्थ कांगावा कशासाठी करू मी ?
मीच कोठे एकटा त्रासात आहे ?

हा रिता माझा...तुझा ओसंडलेला...
काय ही जादू तुझ्या ग्लासात आहे ?

जी तुझ्या भेटीतही नाही खुमारी...
ती नशा, धुंदी तुझ्या भासात आहे !

नोंद माझी घेतली नाही कुणीही...
नोंद माझी हीच इतिहासात आहे !

ये, तुझ्या श्वासात घे मिसळून थोडे...
चांदणे माझ्याच निःश्वासात आहे !

आयता बसशील आयुष्या किती तू ?
ऊठ आता, मौज सायासात आहे !

खैर नाही आज कुठल्याही सुखाची...
आज माझे दुःख उल्हासात आहे !

ये पुन्हा मागे मला वाचायला तू...
(वाच आता नीट...मी कंसात आहे !!)
भेटलो कित्येक दिवसांनी मला मी...
आज मी माझ्याच सहवासात आहे !!

राम नाही राहिला माझ्यात आता...
मी कधीपासून वनवासात आहे !

काव्य दोघांना सुचावे...नवल नाही...!
व्यासही माझ्यात...मी व्यासात आहे !!
.............अमित वाघ. (sorry)

 ही गझल माझी का नाही....
बहोत.. बहोत... बहोत.... बढीया.....
एवढी चां़गली गझल सुरेश भट.इन पहिल्यांदाच वाचायला मिळाली...
खूप खूप आवडली....

प्रदिपजी,
नेहमीप्रमाणेच एक उत्तम गजल दिलीत आम्हाला वाचायला...
सर्वच शेर झकास
त्यातही
हा रिता माझा...तुझा ओसंडलेला...
काय ही जादू तुझ्या ग्लासात आहे ?
ये, तुझ्या श्वासात घे मिसळून थोडे...
चांदणे माझ्याच निःश्वासात आहे !

भेटलो कित्येक दिवसांनी मला मी...
आज मी माझ्याच सहवासात आहे !!
फार आवडले..

वा वा वा बहोत खूब.
अप्रतिम गझल. नेहमीप्रमाणेच अतीव सुंदर. प्रत्येक शेर मस्त झालाय.
अगस्ती

आमित च्या मताशी  सहमत आहे आजुन काहीच बोलो शकत नाही

गझल अतिशय आवडली. खासकरून पुढील शेर.
व्यर्थ कांगावा कशासाठी करू मी ?
मीच कोठे एकटा त्रासात आहे ?

हा रिता माझा...तुझा ओसंडलेला...
काय ही जादू तुझ्या ग्लासात आहे ?

जी तुझ्या भेटीतही नाही खुमारी...
ती नशा, धुंदी तुझ्या भासात आहे !


नोंद माझी घेतली नाही कुणीही...
नोंद माझी हीच इतिहासात आहे !
क्या बात है!

प्रदीप, मस्त गझल , क्या बात है!

संशयाचा रंग विश्वासात आहे !हा शेर मस्तच!

व्यर्थ कांगावा कशासाठी करू मी ?
मीच कोठे एकटा त्रासात आहे ?

हा रिता माझा...तुझा ओसंडलेला...
काय ही जादू तुझ्या ग्लासात आहे ?

जी तुझ्या भेटीतही नाही खुमारी...
ती नशा, धुंदी तुझ्या भासात आहे !
हे सुद्धा खूप आवडले.

जी तुझ्या भेटीतही नाही खुमारी...
ती नशा, धुंदी तुझ्या भासात आहे !
ये, तुझ्या श्वासात घे मिसळून थोडे...
चांदणे माझ्याच निःश्वासात आहे !
हे शेर विशेश्,अप्रतिम

तुम्ही व्यासात आहे फेम म्हणून ओळखले जाणार
बहुतेक,
 
फार फार फार आवडली.
--योगेश.

अभारी आहे .........
कंसात ठेऊन,
माझीच मला भेट करुन दिल्या बद्द्ल.
राहुल जे.
 

खालील शेर खल्लास आहेत. मी ही एक अत्यंत महत्वाची गझल मानतो. कारण एक तर मूड्स विविध आहेत. वर आशय सर्वसमावेशक आहे. म्हणजे अनेक जणांच्या व्यथा यात मांडल्या जातात. बर्‍याच जणांना व्यक्त झाल्यासारखे वाटेल. मात्र, ग्लास हा शेर मला बरोबर वाटत नाही कारण तो इंग्लीश भाषेवर विसंबून आहे.
मान माझी कोणत्या फासात आहे ?
अंत माझा कोणत्या श्वासात आहे ?

जी तुझ्या भेटीतही नाही खुमारी...
ती नशा, धुंदी तुझ्या भासात आहे !
नोंद माझी घेतली नाही कुणीही...
नोंद माझी हीच इतिहासात आहे !
खैर नाही आज कुठल्याही सुखाची...
आज माझे दुःख उल्हासात आहे !

भेटलो कित्येक दिवसांनी मला मी...
आज मी माझ्याच सहवासात आहे !!
 

आज पुन्हा ही गझल वाचली. वा! क्या बात है. माझा रिता तुझा ओसंडलेला...खट्याळ अर्थ उमगला.. जरा उशीराच म्हणा..:)
सोनाली