सडे मुरवुनी

रिकामाच होतो, सहज काढला आवरायास माळा मनाचा जरा
क्षणार्धात कुलुपे पुन्हा लावली मी, नको ते तिथे सापडू लागले

क्या बात है!!!!

डॉ.कैलास

खुप आवडली. ओसाड शेत, औषध आवडले.

सुखातून दुःखे अशी भेटली की गतीरोधकाहून खड्डे बरे
ही ओळ छान.

असे पाहिजे नी तसे पाहिजे यात आयुष्य हातातुनी चालले
घडू लागले ते बरे मानल्यावर जसे पाहिजे ते घडू लागले

युगे जाहली पण तुझी पावले आज दारात माझ्या थबकली पहा
कुठे सोडला धीर या चेहऱ्याने, हृदय फक्त हे धडधडू लागले

तसे प्रेम एकाचवेळी उमलले, सरकले पुढे आपले आपले
मला लागली आवडायास ती अन तिलाही कुणी आवडू लागले

असावे इथे औषधाच्याचपुरते असा काढला आज निष्कर्ष मी
सदा या जगाला कडू लागलो मी, सदा जग मला हे कडू लागले
हे शेर सुंदर..

रिकामाच होतो, सहज काढला आवरायास माळा मनाचा जरा
क्षणार्धात कुलुपे पुन्हा लावली मी, नको ते तिथे सापडू लागले
हा शेर लाजवाब..!

[नजरेतून ही गझल सुटली होती. क्षमस्व. सहज शोधताना सापडली.]

निघाले जसे गाव शहराकडे, शेत ओसाड सारे रडू लागले

वास्तव,
अप्रतिम गझल.

सडे मुरवुनी आसवांचे, जमीनीतुनी वांझ बीजे खुडू लागले
निघाले जसे गाव शहराकडे, शेत ओसाड सारे रडू लागले

वा! व्वा!!
बाकी गझल आवडली.

आवडली गझल...

असे पाहिजे नी तसे पाहिजे यात आयुष्य हातातुनी चालले
घडू लागले ते बरे मानल्यावर जसे पाहिजे ते घडू लागले
हा शेर चांगला आहे. विशेषतः खालची ओळ.

सुटे मिसरेही उत्तम आहेत. फार आवडले.उदाहरणार्थ:

मला लागली आवडायास ती अन तिलाही कुणी आवडू लागले

सदा या जगाला कडू लागलो मी, सदा जग मला हे कडू लागले
(वरच्या ओळीत औषधाऐवजी उपचार यायला हवे होते असे वाटून गेले)

एकंदर गझल चांगली झाली आहे.

वावा !
३,४,६ हे शेर सुरेख आले आहेत.

सातवा शेर सर्वोत्तम वाटला. विशेषतः दुसरी ओळ- प्रभावी कल्पना आहे !
ही गजल सुटली होती खरंच, माझ्याही वाचनातून !