पाहुनी तुला

Posted by केदार पाटणकर on Saturday, 20 February 2010

पाहुनी तुला खुलेल ही कळी
चेह-यावरी पडेलही खळी

आज ये निवांत भेटण्यास तू
आज मी घरी बरीच मोकळी

ये नि फक्त स्पर्श कर जरा मला
बघ, फुलेल एक एक पाकळी

जर तुझे तळे मला न लाभले
तडफडेल ही तुझीच मासळी

ठेव गात्र संयमी तुझे सख्या
मी तशी अजून खूप कोवळी...

गझल: 
गझल

प्रतिसाद

अनिल रत्नाकर

शनि, 20/02/2010 - 22:10

आकर्षणातील उत्कटता सुंदर.
तारुण्यातील भावनांचे अप्रतिम वर्णन.

ठेव गात्र संयमी तुझे सख्या
मी तशी अजून खूप कोवळी...
जरा जास्त स्पष्ट होतेय असे नाही वाटत.
लोभ असावा.

गंगाधर मुटे

रवि, 21/02/2010 - 05:19

पाहुनी तुला खुलेल ही कळी
चेह-यावरी पडेलही खळी
सुंदर.

प्रताप

सोम, 22/02/2010 - 07:42

खुप छान. पाकळी आवडली.

बेफिकीर

सोम, 22/02/2010 - 09:40

सहज म्हणता येणारी, नाजुक... मात्र श्रुंगारीक गीताकडे झुकणारा आशय असलेली गझल वाटली.

चु.भु.द्या.घ्या.

केदार पाटणकर

सोम, 22/02/2010 - 15:48

अनिल, गंगाधर, प्रताप आणि ...बेफिकीर,
प्रतिसादांबद्दल आभारी.

आनंदयात्री

सोम, 22/02/2010 - 22:19

सहज... तरीही उत्कट सुंदर...
वा..

अजय अनंत जोशी

सोम, 22/02/2010 - 22:31

छान. मोकळी गझल. मासळी छान. कोवळी बोल्ड.
माझाही एक शेर घ्या...
मी तशी हुशार वागण्यातुनी
चेहर्‍यावरून फक्त बावळी..

चित्तरंजन भट

मंगळ, 23/02/2010 - 15:04

छान गीतसदृश आहे रचना.

केदार पाटणकर

गुरु, 25/02/2010 - 13:56

आनंदयात्री, जोशी, भट..
आभारी आहे.

ऋत्विक फाटक

शुक्र, 26/02/2010 - 20:31

छान सहज गझल!
'मासळी' मात्र जरा कृत्रिम वाटलं.

सोनाली जोशी

शुक्र, 26/02/2010 - 20:38

छानये नि फक्त स्पर्श कर जरा मला
बघ, फुलेल एक एक पाकळी

हा शेर आवडला. यात स्पर्श न करता फक्त ये आणि तुझ्या नजरेनेच असे केले असते , अर्थात वृत्त सांभाळून तर जास्त परिणामकारक ठरला असता का हा शेर? ही फार फिल्मी झाला असता?
सोनाली

केदार पाटणकर

मंगळ, 02/03/2010 - 11:14

आनंदयात्री, जोशी, भट, फाटक व पुन्हा जोशी यांचे आभार.

सोनाली,
तुझ्या सूचनेप्रमाणे शेर केला असता तर कसा झाला असता, हे आता सांगणे मुश्किल आहे. बराच वेळ विचार करावा लागेल.ः))

ह बा

सोम, 14/06/2010 - 13:02

ठेव गात्र संयमी तुझे सख्या
मी तशी अजून खूप कोवळी...

छान.

केदार पाटणकर

मंगळ, 15/06/2010 - 14:37

धन्यवाद.

प्रशान्त वेळापुरे

मंगळ, 15/06/2010 - 15:46

छान गझल !

ठेव गात्र संयमी तुझे सख्या
मी तशी अजून खूप कोवळी...

चांगला शेर.....

केदार पाटणकर

गुरु, 17/06/2010 - 11:08

धन्यवाद, प्रशांत.

केदार पाटणकर

मंगळ, 22/06/2010 - 13:33

धन्यवाद, वामन.

वैभव देशमुख

सोम, 28/06/2010 - 10:51

मस्त आहे...

मनोज ठाकूर

गुरु, 08/07/2010 - 16:27

छान...