मोगरा

Posted by अजय अनंत जोशी on Friday, 12 February 2010

रंगलास तू खुडून मोगरा
लपविलास तू म्हणून मोगरा

भाळले गुलाब शेकड्यावरी
माळला तुला बघून मोगरा

रंग उधळलेस तू कितीतरी
पांढरा असे अजून मोगरा

घेतला गुलाब, बोचलाच तो
नेमका तिथे हसून मोगरा

पाहतो नभात रंग केवढे
एकटाच सावरून मोगरा

काळजात प्रश्न एवढाच की,
बोचला कसा... असून मोगरा ?

वाट वाकडी किती पहायचा
जायचा किती सुकून मोगरा

गझल: 
गझल

प्रतिसाद

प्रताप

रवि, 14/02/2010 - 08:14

खुप. छान. नभात रंग, वाट वाकडी आवडले.

क्रान्ति

रवि, 14/02/2010 - 10:16

काळजात प्रश्न एवढाच की,
बोचला कसा... असून मोगरा ?

वा! सुरेख गझल.

बेफिकीर

रवि, 14/02/2010 - 11:14

बोचला कसा .... असून मोगरा

छान शेर आहे.

कैलास

रवि, 14/02/2010 - 12:57

काळजात प्रश्न एवढाच की,
बोचला कसा... असून मोगरा ?

अप्रतिम !

डॉ.कैलास

जयश्री अंबासकर

रवि, 14/02/2010 - 16:06

मोगरा आवडतोच :)
बोचला कसा. .... असून मोगरा !! मस्तच !!
बहर खूपच छान आहे.

अजय अनंत जोशी

मंगळ, 16/02/2010 - 22:29

प्रताप, क्रान्ती, बेफिकीर, कैलास, जयश्रीताई धन्यवाद!

गंगाधर मुटे

बुध, 17/02/2010 - 05:16

काळजात प्रश्न एवढाच की,
बोचला कसा... असून मोगरा ?
खास.

अनिल रत्नाकर

बुध, 17/02/2010 - 13:26

घेतला गुलाब, बोचलाच तो
नेमका तिथे हसून मोगरा
अप्रतिम.

बोललाच हसरा मोगरा गाली छान लाजून
काटे गुलाबाचे बसले खाली मान घालून

प्रसाद लिमये

बुध, 17/02/2010 - 15:40

काळजात प्रश्न एवढाच की,
बोचला कसा... असून मोगरा ?

वा वा.. सुरेख

अजय अनंत जोशी

शनि, 20/02/2010 - 07:53

गंगाधर, अनिल, प्रसाद धन्यवाद!
मोगरा घेऊन लिहावे कि नाही असा विचार नव्हता, तर प्रकाशित करावे कि नाही असा प्रश्न होता. गझल तिहाईच्या पूर्वीच ही गझल तयार होती. ती आत्ता प्रकाशित केली. तुम्ही सर्वांनी वाचून त्याबद्दल आपले मत लिहिल्याबद्दल धन्यवाद!