कल्लोळ

छान गझल! उसाचा शेर खूप सुरेख आहे. तसाच कैदेचाही.

साईट्सवरील सॉफ्ट्वेअरमुळे अनेकदा काही लघू, गुरू बिनसतात.

आज जवळून पाहिला, मीही पशू माझ्यातला - जवळुन

लावले त्यांनी दिवे आपापल्या गावांमध्ये - गावांमधे

सर्वात सुरेख शेर मात्र हा:

एकदा केली मनावर मात मेंदूने जरा
तेवढ्यानेही किती आयुष्यभर तो मातला

अत्यंत डीप ! क्लासच ! ऊसाचा शेर तर बाण आहे ! अभिनंदन !

पूर्ण गझल भन्नाट आवडली....

बोलली काहीच नाही! शल्य ना त्याचे मला

हा शेर खासच...

डॉ.कैलास

जय हो !
मिल्या, सगळी गझल आवडली. सगळीच्या सगळी !
तीन- चार वेळा वाचून काढली ! उत्तरोत्तर रंगत गेली आहे गझल.

बोलली काहीच नाही! शल्य ना त्याचे मला
बोचला परकेपणा नजरेतल्या मौनातला

अप्रतिम!

एकदा मागे जरासा गोड त्यांना लागलो
त्याक्षणापासून झालो ऊस मी चरकातला

लावले त्यांनी दिवे आपापल्या गावांमध्ये
दूर ना झाला तरी अंधार ह्या देशातला

काय माझी कैद ह्या जन्मी तरी संपेल का?
ह्या विचारानेच कैदी त्रस्त गाभाऱ्यातला

नतमस्तक !

एकंदर गझल चांगली झाली आहे. नेहमीच्या वाटणाऱ्या कल्पनाही (आतला आवाज ऐकणे, कंटाळून स्वर्गातून खाली येणे, जन्माची कैद-कैदी वगैरे) चांगल्या आल्या आहेत.

एकदा मागे जरासा गोड त्यांना लागलो
त्याक्षणापासून झालो ऊस मी चरकातला
वा! अगदी थेट आवडली.

आज साक्षात्कार झाला; जग असे का वागते?
आज जवळून पाहिला, मीही पशू माझ्यातला
वा!

एकदा केली मनावर मात मेंदूने जरा
तेवढ्यानेही किती आयुष्यभर तो मातला = सुंदर!

लावले त्यांनी दिवे आपापल्या गावांमध्ये
दूर ना झाला तरी अंधार ह्या देशातला = छानच.
हे आधी कोठेतरी वाचल्यासारखे वाटते आहे.
पण आठवत नाही.

साक्षात्कार, शल्य व कैदी हे शेर तर कमाल आहेत.
एकदम खणखणीत.

एकदा मागे जरासा गोड त्यांना लागलो
त्याक्षणापासून झालो ऊस मी चरकातला

वा !

(खाल"ती " टाळता आले असते का? जमिनीवरी वगैरे? )

शुभेच्छा

अजय : कुठेतरी वाचल्यासारखे म्हणजे कुठे? मनोगत वर हीच गझल टाकलीय तिथे का? :)
मनोगतावरील तुमची ही गझल तुम्ही लिहिलेत म्हणून मी आत्ता वाचली.
कृपया पुराव्याशिवाय असे आरोप करू नयेत ही विनंती...
http://www.manogat.com/node/16317
ही लिंक पहा.....
'गावात' तुझिया पेटले सारे दिवे
अन दाटला अंधार हा शहरातुनी
असे आहे तिथे...
असो. मी कॉपी केल्याचा आरोप केलेला नाही. परंतु या अर्थाचे आणखी काहितरी वाचल्यासारखे वाटले म्हणून लिहिले. एकच गोष्ट दोन वेगवेगळ्या लोकांना सुचू शकते असे मला नक्की वाटते. आणि मी तसे पूर्वी म्हटलेही आहे.
गैरसमज नसावा...

खुप छान. गावामधे आवडले.