सलील कुलकर्णीचे शब्दांवरचे लक्ष

केदार,

निरीक्षण आवडले. अशी माहिती आणखीन देत रहावीत अशी विनंती!

मला असेही वाटले की काही वेळा पब्लिकली बोलताना 'गझलेवर विचार मांडणे' हे थोडेसे इंप्रेसिव्ह समजले जात असावे.

सारेगमपच्या कार्यक्रमात सलील कुलकर्णी काय बोलले ते अनेकांना माहीत नसावे. त्यांनी कुठल्या द्विपदी उद्धृत केल्या, त्यांचे निरीक्षण काय होते, हे थोडक्यात सांगावे ही विनंती. म्हणजे सगळ्यांनाच प्रतिक्रिया देता येतील.

टोकाचा हळवेपणा अन टोकाची बेफिकिरी भटांच्या गझलांमधे दिसते.

व्वा! चांगले व खरे निरिक्षण!

यावरून त्यांची एक ओळ आठवली.

'अरे हा आपला होता, अरे तो आपला होता'

साधीच ओळ, पण कुठल्याही वाचकाला / श्रोत्याला स्वतःची वाटु शकेल अशी व किंचित तरी गलबलवेल अशी!

माझे मत ::
झी मराठीच्या सारेगमप च्या मंचावर या गोष्टी होतच असतात.
पहिल्या पर्वात 'अर्थशुन्य भासे मज हा...' ही गीत कोणीतरी गाईले होते. त्यावेळी देवकी पंडीत यांनी शु र्‍ह्स्व हवा कारण कवीने तसा लिहिला आहे असे सांगितले होते. तसेच, चालीत 'अर्थशुन्य' बसण्यासाठी 'शु' चा उच्चार र्‍हस्व करून 'न' वाढवा असे सांगितले होते हे मला पक्के लक्षात आहे.
बहुतेक संगीतकार आणि गायक या सर्व गोष्टींचा विचार करीतच असतात. काही ठराविक लोकांनाच तशी संधी मिळाल्याने आपल्याला ते लक्षात राहते इतकेच.