अंतरा

आशय

सगळ्याच द्विपदींचा आशय छान वाटला. मतल्याची फ्रेम मात्र बाराखडीनुसार नाही. असे का?

( माझ्या मनात आत्ता एक विचार आला. जो मी आता स्वतः आधी सराव करून पाहायला हवा. सुचलेला विचार लहानात लहान बहरीत मांडायला कितपत जमते हा तो विचार. हे मत म्हणजे आपल्याला सल्ला समजू नयेत. मी स्वतःच पडताळून पाहणार आहे. मात्र हे मत सुचण्याचे कारण आपली ही गझल आहे. का ते पहावेत अशी विनंती! आपला हा शेर!)

खोल विवर मन, गूढ विलक्षण, अथांग गहिरे, ठाव न लागे
शांत नदीच्या पात्रामधला गहन, अनाकलनीय भोवरा

गूढ म्हणजे ठाव न लागणारे, अथांग गहिरे व खोल साधारण तेच!
पुढच्या ओळीत परत 'गहन' जो गूढ व ठाव न लागणारे यांच्याशी साधर्म्य साधणारा!

'खोल विवरासारख्या मनाचा ठाव लागत नाही, वरून शांत दिसणार्‍या नदीमधील अनाकलनीय भोवरा आहे हे मन' - असा हा विचार! ( अर्थात, विचार छान असला तरी मला तो नुसताच वर्णनात्मक वाटत आहे.)

हा विचार किती लहानात लहान बहरीत बसवता येईल हे मी आता 'माझ्यापुरते'च पाहणार आहे.

मात्र, मतल्यातील जमीन पाळणे आवश्यक आहे, आपण बदल करू शकालच!

मनात नसता कसे जुळावे लयतालाशी सुरेल नाते ?
स्थायीला ना स्पर्श सुरांचा, सांग कसा गाणार अंतरा ?

आवडला हा शेर..
सानी मिसर्‍याचा पहिला शब्द "साथीला" हवाय का?
(मला वाटले एकदम....)