लोकांमधल्या प्रतिमेला...

Posted by केदार पाटणकर on Monday, 29 December 2008

लोकांमधल्या प्रतिमेला सांभाळत बसलो
मी इथल्या नियमांना सार्‍या पाळत बसलो 


सगळे पुस्तक वाचायाची हिंमत नव्हती
निवडक निवडक आठवणींना चाळत बसलो 


ये दुनिये, घे शेकोटीची ऊब आयती
हा बघ येथे प्राणाला मी जाळत बसलो 


दूरदूरचा नको एवढा विचार केला
पावलातल्या दगडाला ठेचाळत बसलो 


प्रत्येकाने कविता केली, दाद मिळवली
मी केवळ दुःखाला या कुरवाळत बसलो

                                  - केदार पाटणकर

(मनोगत या संकेतस्थळाच्या २००८ दिवाळी अंकात प्रसिध्द झालेली गझल)

गझल: 
गझल

प्रतिसाद

गंभीर समीक्षक

सोम, 29/12/2008 - 23:37

गंभीर समीक्षक सहसा इतके खुष होत नाहीत. अतिशय छान गझल! कवी केदारचे अभिनंदन! प्रत्येक शेरावर भाषण करण्याची गरजच नाही. सुंदर! फारच सुंदर गझल! 

भूषण कटककर

मंगळ, 30/12/2008 - 20:05

केदार,
मस्तच गझल!
एकदा परत चहा व्हायला पाहिजे राव!

प्रसाद लिमये

मंगळ, 30/12/2008 - 23:02

>>दूरदूरचा नको एवढा विचार केला
पावलातल्या दगडाला ठेचाळत बसलो <<

 

व्वा...... काय बोलू, अप्रतीम

ज्ञानेश.

गुरु, 01/01/2009 - 00:12

पुन्हा  एकदा  ही  गझल  तितकीच  आवडली...
जितकी  तुमच्याकडून  ऐकतांना आवडली होती !

अभिनंदन.

गणेशप्रसाद

गुरु, 01/01/2009 - 12:57

अतिशय सुन्दर गझल! सगळे शेर कसे एकमेकाला छान तोलताहेत. याला म्हणावी चांगली गझल. खूप छान.

सन्जय उपशाम (not verified)

शुक्र, 02/01/2009 - 11:43

ये दुनिये, घे शेकोटीची ऊब आयती
हा बघ येथे प्राणाला मी जाळत बसलो 

हा बघ येथे मी प्राणाला जाळीत बसलो

सुनेत्रा सुभाष

शुक्र, 02/01/2009 - 12:35

मतला  आवडला. जाळत ,ठेचाळत  वाले  शेर  आवडले.

केदार पाटणकर

शुक्र, 02/01/2009 - 14:53

धन्यवाद सर्वांना..

अजय अनंत जोशी

शुक्र, 02/01/2009 - 22:01

विशेष आवडले.
कलोअ चूभूद्याघ्या

दशरथयादव

शनि, 03/01/2009 - 17:46

 

वा...छान्...दोन्ही शेर आवडले

-----------------------

सगळे पुस्तक वाचायाची हिंमत नव्हती
निवडक निवडक आठवणींना चाळत बसलो 


ये दुनिये, घे शेकोटीची ऊब आयती
हा बघ येथे प्राणाला मी जाळत बसलो 

समीर चव्हाण (not verified)

शनि, 24/01/2009 - 11:12

सगळे पुस्तक वाचायाची हिंमत नव्हती
निवडक निवडक आठवणींना चाळत बसलो

तिलकधारी

शनि, 24/01/2009 - 11:44

प्रिय मित्र केदार,
उत्तम झाली गझल!
तिलकधारी भारावून गेला.

बोलू का

शनि, 24/01/2009 - 13:30

पाचच पण चांगले शेर लिहिलेत. आनंद वाटला.
(तसा मी फारसा बोलत नाही.)

प्रदीप गांधलीकर

शनि, 24/01/2009 - 17:57

शेवटचा शेर मस्त !

मानस६

शनि, 24/01/2009 - 22:57

दूरदूरचा नको एवढा विचार केला
पावलातल्या दगडाला ठेचाळत बसलो .... मस्त द्विपदी
-मानस६

केदार पाटणकर

रवि, 25/01/2009 - 22:53

धन्यवाद, सर्वांना.