..उशीर

छान रचना.

देवाच्या शेरात आशय स्पष्ट होत नाही.

ज्ञानेश,
गझल चांगली केलीत. मतला, बेफिकीर अन शिशिर चांगले शेर आहेत. मी असे म्हणण्याचा मला अधिकार नाही पण केदार मित्र आहे म्हणुन केदारसाठी देव या शेराचा मला समजलेला अर्थ लिहीत आहे.
देवाने नशीबाची वाटणी अशी कशी केली विचारण्यासाठी देवाकडे जावे तर देव म्हणतो की तू आमच्या रजिस्टरमधे नाहीच्चेस! अत्यंत सावळा गोंधळ आहे देवाच्या दारी. असा अर्थ असावा!
धन्यवाद!
 

उशीर  झाल्याक्षणी  कळाले, 'उशीर  झालेला  आहे'
उशीर  हा  नेहमी  असा  'वक्तशीर'  झालेला आहे..!
ज्ञानेश......
अगदी परफेक्ट विरोधभास असुनसुद्धा कित्ती समर्पक आहे ह शेर...  कम्प्लीट सर्कल....
याची धुन्दी सुद्धा अगदी तुमच्या "भळभळताना......" शेरच्या जवळ पास जाणारी आहे..! :-)
"मिळेचना  नोंद  कोणतीही" म्हणे  तुझी  आमच्याकडे,
किती  पहा  देव  आमचा  बेफिकीर  झालेला  आहे  !
भाऊसाहेब पाट्णकर आठवले लगेच....! मस्त शेर....
....जमीर..

"मिळेचना  नोंद  कोणतीही" म्हणे  तुझी  आमच्याकडे,
किती  पहा  देव  आमचा  बेफिकीर  झालेला  आहे  !
नोंद घेण्याजोगाच आहे.

भूषण,
अर्थ सांगितल्याबद्दल धन्यवाद.
हाच अर्थ मला जाणवला होता. पण मी थोडा किंचित् खोल विचार करीत होतो व साशंक होतो की, तो खोल विचारच कवीला मांडायचा आहे की नाही.
तो विचार असाः प्रथम देवाने जन्माला घातले. जन्माला घालताना नोंद होती. नंतर जेव्हा सुखदुःखांची कारणे तपासायला आम्ही त्याच्याकडे गेलो तेव्हा त्याने सांगितले की, आता नोंद नाही. आधी नोंद ठेवणारा तो, नंतर मात्र कानावर हात ठेवतो. एक तर जन्माला घालताना आमची परवानगी घेतली नाही. नंतर हिशेबाच्या वह्या गहाळ झाल्या. दैवाचा किती गलथान कारभार, किती ही बेफिकिरी,किती हलगर्जीपणा...!


अवांतरः कवी शेरात देवाला, दैवाला मानवी पातळीवर आणतो. इथे निराळेच सौंदर्य दिसते.   

एकंदर छान गझल आहे. शेर आणखी तासायला हवे. गझल आणखी उत्तम होईल.

गझल छान वाटली.
वक्तशीर झालेला उशीर ही कल्पना आवडली ज्ञानेश.

विसावल्या  वेदना  मनाच्या  तुझ्याच  छायेमधे 'गझल'
तुझ्यामुळे  आमचा  उन्हाळा  शिशीर  झालेला  आहे...
सही!
क्रान्ति {रोज सकाळी असे काहि वाचावे सुंदर | अवघे जीवन भरून जावे आनंदाने!}

मक्ता आवडला. मस्त गझल

उगाच का प्राक्तना मला तू, चुकार प्यादेच मानले?
पहा नव्याने जिवंत माझा वजीर झालेला आहे !

फार छान! वीर-रस ओतप्रोत भरला आहे:)