नाही खचायाचे

Posted by केदार पाटणकर on Wednesday, 20 April 2011

नाही खचायाचे कुणाच्याही नकाराने...
-मिळतो दिलासा केवढा नुसत्या विचाराने !

केवळ कुठे झाले तुझे नुकसान पैशांचे?
गेलीच अब्रूही तुझी झाल्या प्रकाराने !

हुसकून लावा फाटकाबाहेर शंभरदा..
लोचट पुन्हा येईल ते मागील दाराने

प्रेमामुळे होते तुझ्यामाझ्यात काहीसे
सारे कसे ते संपले एका कराराने ?

घ्यावेत सल्ले पाहिजे तितके दरेकाचे
जावे अखेऱीला पुढे अपुल्या विचाराने

गझल: 
गझल

प्रतिसाद

विद्यानंद हाडके

रवि, 24/04/2011 - 18:09

घ्यावेत सल्ले पाहिजे तितके दरेकाचे
जावे अखेऱीला पुढे अपुल्या विचाराने

मस्त है केदारजि...

केदार पाटणकर

गुरु, 28/04/2011 - 15:43

धन्यवाद विद्यानंद.

बेफिकीर

शुक्र, 29/04/2011 - 01:09

केदार,

अप्रतिम गझल! मागील दाराने हा शेर फारच 'खुला खुला' वाटला! ते सोडले तर अप्रतिम गझल! तसेच, तो शेर कदाचित मला लक्षात आला नसावा.

भारी गझल!

धन्यवाद व अभिनंदन!

-'बेफिकीर'!

चित्तरंजन भट

शुक्र, 13/05/2011 - 18:23

नाही खचायाचे कुणाच्याही नकाराने...
-मिळतो दिलासा केवढा नुसत्या विचाराने !
वाव्वा. एकंदर सुरेख प्रासादिक गझल.

अनिल रत्नाकर

मंगळ, 24/05/2011 - 00:09

जावे अखेऱीला पुढे अपुल्या विचाराने
....मस्तच गझल.

शोभातेलन्ग

बुध, 15/06/2011 - 10:25

चstrong>rong>
केदार् साहेब खुप मस्त
शोभा तेलन्ग इन्दोरी