सारे वसंत...

Posted by विद्यानंद हाडके on Thursday, 18 November 2010

सारे वसंत मजला छळू लागले
ऐकेक पान माझे गळू लागले

कोठेच रंग नाही मनासारखा
दु:खात सौख्य आहे कळू लागले

सांगा कुणी मला मी कसा सावरु
आधारस्तंभ सारे ढळू लागले

आता नवीन कोठे मरण राहिले
आयुष्य रोज येथे दळू लागले

हासून जीवनाशी जरा बोलता
ईर्शेत लोक सारे जळू लागले

हाका कुणास देऊ अता शेवटी
सारेच ऐनवेळी पळू लागले

गझल: 
गझल

प्रतिसाद

कैलास

शुक्र, 19/11/2010 - 18:34

वाहवा..... पुन्हा वाचून आनंद झाला. चांगली गझल.

शाम

शुक्र, 19/11/2010 - 20:13

मतला...खूप सुंदर!!!!!

बहर

बुध, 24/11/2010 - 09:20

छान झाली आहे गझल विद्यानंदजी... क्या बात है.

मिलिन्द हिवराले

बुध, 09/02/2011 - 19:42

वाहवा! गझल आवडली. शुभेच्छा...

मयुरेश साने

बुध, 09/02/2011 - 23:37

हासून जीवनाशी जरा बोलता
ईर्शेत लोक सारे जळू लागले

वाहवा .. हा शेर तर खासच...

बेफिकीर

मंगळ, 15/02/2011 - 19:14

आशय आवडला पण नीट म्हणता आली नाही. पुन्हा प्रयत्न करून पाहतो.

धन्यवाद !

विद्यानंद हाडके

बुध, 16/02/2011 - 10:58

धन्यवाद ! मित्रांनो...
बेफिकिरजी, माझेच प्रयत्न कमी पडले असतील...
मार्गदर्शन असु द्या.....