अदृश्यच असतो क्रूस कधी

गझल आवडली. लयही मस्तच आहे. बहरूस, फडतूस आणि धुडगूस हे शेर अधिक आवडले. काही शेर नीटसे लक्षात आले नाहीत.

धन्यवाद!

-'बेफिकीर'!

वा वा .... छान गझल... सगळेच शेर उत्तम
ऊसाचा शेर बाउन्सर..... :(

मला 'मूस' हा शब्द माहीत नसल्याने तो शेर लक्षात आला नाही आणि जखमांचा शेर खरच समजला नाही. वाचून पाहतो एकदा पुन्हा!

जबरदस्त! सगळेच शेर एकापेक्षा एक, त्यातल्या त्यात भेटूस, मूस, धुसफूस आणि पाऊस खूप खूप आवडले.

भूषणजी,मूस म्हणजे ''साचा''.....

चित्तजी.... ,

काही जखमा भरतात कुठे?
खातात मुळासह, ऊस कधी?

मी असाही वाचून पाहिला.. पण तरीही कळला नाही..... :(

कोठून अचानक मन उडते
कारण घडते फडतूस कधी

गझल आवडली

अदृश्यच असतो क्रूस कधी
प्रेषित नसतो माणूस कधी..
आशय तर मस्तच आहे शेराचा..देवदूत नसलेले अनेक जण अनेकदा क्रूसावर जातात हे अगदी खरेय....
(गागाललगागा गाललगा..असे वृत्त दिसतेय.. पण मग दुसऱ्या ओळीत यतीभंग म्हणा अथवा लय खंडल्यासारखी असे झालेय..मी येशू शब्द टाकून बघितला प्रेषिताच्या जागी)

काही जखमा भरतात कुठे
खातात मुळासह ऊस कधी..
वा वा.. मला तरी असा अर्थ लागला की जखमांना मी इतका गोड लागलो, आवडलो की त्या मलाच मुळासह खाताहेत, (अरे पण म्हणून काय झाले, असा टोन असावा)

मी तळमळतो, मी हरमळतो
ही कूस कधी, ती कूस कधी
वा.. हरमळलोचा अर्थ लहानपणी मुका मार बसणे अश्या अर्थाने ऐकल्याचे स्मरते, शब्द-कोशात नाही दिसला.

फुलता फुलता फुलणार फुले
मुद्दाम नको बहरूस कधी.. बढिया.. let creativity take its own course and time.. अगदी खरेय

इच्छा इतक्या सवती सगळ्या
संपेल बरे धुसफूस कधी..
वा वा तुफान शेर आहे.. गालीबचा ’हजारो ख्वाईशे ऐसी’ स्मरले.. आणि हे सदा न कदा चालू असते

कोठून अचानक मन उडते
कारण घडते फडतूस कधी... (कधी कधी वाटते..every relationship comes with an expiry date)

रेखीव तरी आहेस किती
मोडून पहा ना मूस कधी..
हा शेर तर इतका आवडला की फेसबुकावर टाकलाय.. रेखीवपणाची कल्पना यायला मूस मोडून बघणे, किंबहुना तोच एक पर्याय आहे..वा वा.. ही कल्पनाच भन्नाट आहे...बहोत बढिया

सोडू अवघे लालित्य जरा
घालू बरवा धुडगूस कधी...
असे अधून-मधून वागायलाच हवे.. नको ते परीट-घडीचे कपडे
तुझा-
ना छचोर हळव्या शब्दांसाठी अदलो
पाहिला चंद्र भर चांदण्यात ओरडलो.. हा शेर स्मरला

भेगाळत जाते शेत कुठे
फिरतो वणवण पाऊस कधी
अररररर... हा शेर इतका आत-आत गेला.. खूप.. भेगाळत जाणाऱ्या जमिनीपेक्षा, त्याला शोधणाऱ्या पावसाची वेदनाच जास्त चटका लावून जाते ..बहुदा असेच होते..ह्या देशात, ..आयुष्यात, ...मनात..(इथे जमीन शब्द होता ना?)

तो दिवस दिवसभर वणवणतो
होईल दिवस तांबूस कधी...सुंदर

एक क्लासिक गझल
-मानस६

क्या बात है! अप्रतिम गझल!

सर्व शेर आवडले. एखाद्याचा उल्लेख म्हणजे इतरांवर अन्याय.

आस्वाद आणि समीक्षा ही तर दोन विरुद्ध टोके. आम्ही आस्वाद घेतो, समीक्षा हे तज्ज्ञांचे काम.

म्हणून त्यापासून दूर राहतो.

खूप चांगली सकस गझल वाचायला मिळाल्याचा आनंद झाला.

आपला,
(रममाण) धोंडोपंत

वाह!! पाऊस आणि धुसफूस सर्वात आवडले... :)

गझल आवडली हे वे. सां. न. ल.
उल्लेख न केलेले सर्व शेर आवडलेले आहेत.

अदृश्यच असतो क्रूस कधी
प्रेषित नसतो माणूस कधी
-वेगवेगळे अर्थ लागत आहेत.

काही जखमा भरतात कुठे
खातात मुळासह ऊस कधी
-मला हा शेर कळला नाही.

आहेसच की माझ्यातच तू
अजिबात नको भेटूस कधी
-सर्वात जास्त आवडला.

सोडू अवघे लालित्य जरा
घालू बरवा धुडगूस कधी
-'बरवा' कशाला? (त्या शब्दाची छटा, 'दंगा' का नको? इ.)

सुंदर गझल चित्तजी.....जाम आवडली!

अप्रतिम गझल

अप्रतीम गझल चित्तरंजन... सगळे शेर सुंदर आहेत... मला विशेष आवडलेला 'फडतूस' हा. अतिशय सहज आला आहे.. वा...बाकी शेरही उत्तमच.

मी धोंडोपंतांशी सहमत आहे- अतिशय आनंददायी गझल.
मला (चढत्या क्रमाने) आवडलेले शेर -

"फुलता फुलता फुलणार फुले
मुद्दाम नको बहरूस कधी

कोठून अचानक मन उडते
कारण घडते फडतूस कधी

आहेसच की माझ्यातच तू
अजिबात नको भेटूस कधी

रेखीव तरी आहेस किती
मोडून पहा ना मूस कधी

भेगाळत जाते शेत कुठे
फिरतो वणवण पाऊस कधी

तो दिवस दिवसभर वणवणतो
होईल दिवस तांबूस कधी"

आहेसच की माझ्यातच तू
अजिबात नको भेटूस कधी

फुलता फुलता फुलणार फुले
मुद्दाम नको बहरूस कधी
चित्तरंजनजी ,संपूर्ण गझल अप्रतिम आहे .हे दोन शेर खूप आवडले .अगदी मनातले .मनासारखे

जबरदस्त!

इतरांहुन वेगळ काय लिहू....लई भारी!!!!

आहेसच की माझ्यातच तू
अजिबात नको भेटूस कधी ---- सुंदर

फुलता फुलता फुलणार फुले
मुद्दाम नको बहरूस कधी ----- सुंदर

तो दिवस दिवसभर वणवणतो
होईल दिवस तांबूस कधी --या ओळी वाचल्यानंतर ,डोळ्यासमोर सूर्यास्त उभा राहिला.