''वाटतो जरी प्रसन्न मी वरुन''

Posted by कैलास on Friday, 15 October 2010

वाटतो जरी प्रसन्न मी वरुन,
दु:ख साचलेय आत भरभरुन

झाकले उघड कसे करायचे?
ठेवले बरेच आज आवरुन

जिंकली असंख्य सौख्यसाधने
डाव जीवनात सारखे हरुन

धूम वारु दौडते मनातले
मी तसाच बांधतो पुन्हा धरुन

पोहणे न ज्ञात जाहले मला
जीवनात मी तरी असे तरुन

शुष्क भावना......... तरी तुझ्या सवे,
घाम का फुटे उगाच दरदरुन?

गंध काय आज जाणले जरी,
दु:ख जाहले फुलास कुस्करुन

काळ यायची अवेळ जाहली
वाट पाहतो स्वतःस सावरुन

--डॉ.कैलास गायकवाड

गझल: 
गझल

प्रतिसाद

शाम

शनि, 16/10/2010 - 07:34

गंध काय आज जाणले जरी,
दु:ख जाहले फुलास कुस्करुन

काळ यायची अवेळ जाहली
वाट पाहतो स्वतःस सावरुन

सुंदर! !

अनिल रत्नाकर

शनि, 16/10/2010 - 01:44

काळ यायची अवेळ जाहली

अवेळ अत्यंत चपखल.

देखणी, संस्कारित गझल.

गंगाधर मुटे

रवि, 17/10/2010 - 15:31

सुरेख गझल.

अजय अनंत जोशी

रवि, 17/10/2010 - 18:55

छान गझल!

ह बा

सोम, 18/10/2010 - 16:35

सुंदर रचना!

कैलास

बुध, 03/11/2010 - 21:54

सर्व प्रतिसादकांचे मनःपूर्वक आभार. :)

केदार पाटणकर

गुरु, 04/11/2010 - 10:59

शेवटचा शेर आवडला.