कधी वाटते मी भिडावे जगाशी

सर्वप्रथम हे वृत्त वापरल्याबद्दल अभिनंदन आणि धन्यवाद!

मतला छान आहे...दुसरा आणि चौथा शेर आशय आणि रचनेच्या दृष्टीने जरा कमकुवत वाटला.
कसे वाटते आज पाहूनि त्यांना,जिथे श्वान सामीष लाथाडतो चा अर्थबोध झाला नाही..

या गझलेला आपण अजून थोडा वेळ द्यायला हवा होता असे वाटले.

यावेळी वेगळे लिहिल्याबद्दल धन्यवाद.
एखाद्या शेरावर रेंगाळून तो लिहावा वगैरे मते पूर्वीही मी ऐकली आहेत. मात्र, रेंगाळणारे इतके रेंगाळतात की वर्षानुवर्षे फक्त गझल पूर्ण होण्याची वाटच पहावी लागते. असो. तुमचा प्रयत्न चांगला आहे. लवकरच पुढील मुशायरा मी ठरवीत आहे. तयारीत रहा. शुभेच्छा.

अभीयान = हे जरा विचित्र वाटले. पाहूनि ऐवजी पाहून असेही चालले असते.

छान गझल. आवडली.

उत्साह आवडला व गाडगेबाबा, सामीष या विषयांचा उल्लेख गझलेत आणणे आवडले.

पाहूनि ऐवजी ''पाहून'' हे खरेच मझ्या डोक्यात अजिबातच आले नाही........

यात 'डोक्यात येण्याइतके' काहीही महत्वाचे नाही. रचनेत इतर अनेक त्रुटी आहेत, ज्या अधिक महत्वाच्या आहेत.

अभीयान.... हे विचित्र निश्चित आहे.....परंतु इस्लाह करताना डॉ.राम पंडीत म्हणाले.....लघुचा गुरु करणे क्षम्य आहे....परंतु गुरुचा लघु करु नका..... तद्वत ही सूट घेण्याची आगळिक केली आहे.

राम पंडीत रचनेच्या आशयाबद्दल काय म्हणाले ते माहीत व्हावे असे वाटते. आणि ते तसे म्हणाले म्हणून आपण शेवटच्या मिसर्‍यात 'तया तीक्ष्ण भालाही' मधील 'ही' दीर्घ घेतला आहेत काय? माझ्यामते तो र्‍हस्व असायला हवा हे तेही सांगतील.

-'बेफिकीर'!

कैलास,
लघुचा गुरु करणे क्षम्य आहे....परंतु गुरुचा लघु करु नका..... = डॉ. राम पंडित
हं. हे वाचून लघु-गुरूची चर्चा करावी कि न करावी असे वाटले. असो.

तुमचा प्रयत्न चांगला आहे. गझलेत तृटी राहणारच. स्वतःला ग्रेट म्हणवणार्‍यांच्याही राहतात. प्रयत्नांती या तृटी कमीही होतात. धन्यवाद.

अशातल्या बर्‍याच गझलांवरील प्रतिक्रियांची संख्या लक्षणीय आहे...गझला लक्षणीय झाल्यास बरे होईल असे वाटते..

गझल पंडिती काव्याची आठवण करून देणारी वाटली.
वेगळ्या वाटेची!
अभिनंदन!
गझलेत आता कहितरी नवं यायलाच हवं.त्याच त्या प्रकारच्या गझला फार झाल्यात.
बरं ज्याला दमदार गझल म्हटल्या जाते,त्याही सारावाने पाडल्यासारख्या असतात.
तुम्ही नक्किच गझलेला नवा साज देऊ शकता.

कधी वाटते मी भिडावे जगाशी, '' कशाला फुकाचेच ''? वाटे कधी
कधी मी निवडतो सरळसोट रस्ता,उगा फोडतो कैक फाटे कधी

सगळी गझल आवडली.

*अनंत ढवळे [08 मे 2010] नवीन
अशातल्या बर्‍याच गझलांवरील प्रतिक्रियांची संख्या लक्षणीय आहे...गझला लक्षणीय झाल्यास बरे होईल असे वाटते..*
या लक्षणीय प्रतिसादातले मत चांगले आहे पण हेतू अवलक्षणी वाटतो. माझ्यासारख्या नवख्या गझल लिहीणार्‍यास अशा प्रतिसादामुळे बावरल्यासारखे होते. हा प्रतिसाद वाचून तर पोटात ढवळ ल्यासारखं झालं. एक गंम्मत सांगु का? विनोद हं विनोद, रागवायच नाही.
प्रतिसादाचा हेतू आणि देणार्‍या सरांचे नाव याच्यात किती साम्य आहे! अनंत ढवळे!

वरील काही प्रतिसाद वाचून दु:ख होते.
प्रतिसाद फक्त गझलेबद्दल असावा,तो वैयक्तिक पातळीवर येऊ नये असे वाटते.
प्रत्तेकाने कटूता टाळावी.मोकळेपणाने लिहावे व चर्चाही मनमोकळी व्हावी.
आक्रमक न होताही काही गोष्टी सांगता येतात.

*वरील काही प्रतिसाद वाचून दु:ख होते.*

मनीषाजी,
कुणासही दुखावण्याचा हेतु नाही. माझ्या कडून तसे विनाकारण घडले असल्यास मी पुढे काळजी घेइन.

ह बा
काय कळलं नाई बा..!
असा होता तो अविस्मरणीय प्रतिसाद.
पण चुक माझीच होती. स्पष्टीकरणाशिवाय ती रचना नेमकी कशाबद्दल आहे हे कळणे सहजशक्य नव्हते. असो... काही गुरूजी लिमलेटच्या गोळ्या देउन समजवतात तर काही धपाटे घालून. मला धपाटे खायची सवय आहे. फक्त कधी कधी मलाही गुरूजींच्या धोतराची टेबलाशी गाठ बांधायची हुक्की येते...