ईमान

छान, स्वच्छ व चांगल्या अर्थाची गझल नचिकेत!
---मनापासून धन्यवाद भूषणजी!

आणखी सफाईदारपणा हवा. तसेच काही ठिकाणी दोन ओळींतला संबंध मला स्पष्ट झाला नाही. उदा. मतला.
लिहीत राहा. सुधारणा होत जातील.

माझ्या रचनेला दाद दिल्याबद्द्ल आभार.
मला अशाच मार्गदर्शनाची गरज आहे.
आपले म्हणणे अगदी बरोबर आहे. काही ठिकाणी दोन मिसर्‍यांमधील संबंध पुरेसा स्पष्ट होत नाहिए.

सर,मला अभिप्रेत असणारा अर्थ असा होता कि,
वाटेत दगड माझ्या शेंदूर फासलेले,
झगडून मी जगाशी ईमान राखलेले...
"माझ्या वाटेत या जगाने किंवा परमेश्वराने जरी कितीही अडथळे निर्माण केले, तरिही मी या सार्‍यांशी झगडून माझे ईमान शाबूत ठेविले आहे."

माझ्या मते, वरील रचनेतील असाच प्रॉब्लेम असणारा दुसरा शेर कदाचित हा असावा,
नाहीच न्याय साधा हा कर्ण अर्जुनाला,
दुनियेस वीर वाटे मैदान मारलेले...
"कर्ण आणि अर्जुन या दोन तुल्यबळ योद्ध्यांत जगाने कायमच अर्जुनाच्या पारड्यात आपले मत टाकले आहे.
त्याची बाजू पूर्णपणे जाणून घेण्याचा प्रयत्न करताना फार थोडे दिसतात. कदाचित अर्जुन जिंकल्यामुळे हा परिणाम असू शकतो."

आपल्या सार्‍यांच्या प्रतिसादांमुळे उत्साह वाढतो. लिखाणास बळ मिळते. असाच आशिर्वाद राहू दे.
सर्वांना धन्यवाद!