मिळेल का दोन घोट पाणी.....

मिळेल का दोन घोट पाणी
निवेल का दग्धता जराशी
वा!
थकून गेलेत नेत्र माझे
हसेल का खिन्नता जराशी
वा!
गझल फार आवडली.

वा !! सुंदर ग़ज़ल.  कमी शब्दात खूप काही सांगणारी.
लगालगागा लगालगागा.... बह़र फार सुंदर निभावलेय.
जुळेल का भग्नता जराशी
भरेल का रिक्तता जराशी......
मतला झकास आहे.  बाकीचे शेरही आवडले.
आपला,
(आनंदित) धोंडोपंत
मिळेल का दोन घोट पाणी
निवेल का दग्धता जराशी

थकून गेलेत नेत्र माझे
हसेल का खिन्नता जराशी

हे शेर सर्वात आवडले.
आपला,
(रत्नपारखी) धोंडोपंत

आम्हाला इथे भेट द्या http://dhondopant.blogspot.com

परत एकदा - संयत, स्तब्ध गझल...खूपच छान.
(तुमच्या गझला वाचल्यानंतर उतू जाऊन मग भांड्यात शिल्लक उरलेल्या कोमट दुधाची आठवण येते. किंवा एखादा चक्रवात (टोरनॅडो) निघून गेल्यानंतर उरलेल्या गावाची ! का कुणास ठाऊक?!)
 

जुळेल का भग्नता जराशी
भरेल का रिक्तता जराशी......

छान...सोपी गझल...
मिळेल का दोन घोट पाणी
निवेल का दग्धता जराशी

थकून गेलेत नेत्र माझे
हसेल का खिन्नता जराशी
हेही  छान....
..............
विचारतो जीव  (शि) शीणलेला
मिळेल का शांतता जराशी

हीही  कल्पना आवडली...
...........................................................

१) आवश्यक तिथे प्रश्नचिन्हे नकोत का...?   का नकोत...? 
२) पूर्णविराम, अर्धविराम, स्वल्पविराम, प्रश्नचिन्ह, उद्रारचिन्ह, एकेरी अवतरण, दुहेरी अवतरण इत्यादी इत्यादी  या साऱ्यांना त्यांचा त्यांचा अर्थ असतो. परिणामी ही चिन्हेही लेखनाला अर्थ देत असतात. अर्थच्छटा देत असतात.  (असतील तर) लेखनातील एकापेक्षा अधिक कंगोरे  समोर आणत असतात.

अनंत,
गझल आवडली.. विशेषतः पहिले ४ शेर... काफियेही सुंदर आहेत आणि रदीफही आवडली.
हसेल का खिन्नता जराशी .. सुंदर!
- कुमार

गझल खूप आवडली!
-- पुलस्ति.

सुंदर ग़ज़ल! विरोधाभास आवडले. भग्नतेचे जु़ळणे आणि भिन्नतेचे निघणे हे शब्दप्रयोग वेगळे वाटले.