...स्मरशील तू !

सलते कुठे निरखून घे आधी जरा...
भलतीकडे नुसतेच टोकरशील तू !

माझ्याविना आहे तुला कुठली दिशा ?
माझ्यासवे, माझ्यात वावरशील तू !

जन्मून कायेचा मिळाला फायदा...
पण शेवटी छायेविना मरशील तू !

जाशील मज विसरून तू, हेही खरे...
...हेही खरे, मज सारखी स्मरशील तू !

सुरेख! एकापेक्षा एक सरस! अप्रतिम गझल!

क्रांतीशी सहमत आहेच. टोकरशील, वावरशील त्यातही फारच आवडले.

जाशील मज विसरून तू, हेही खरे...
...हेही खरे, मज सारखी स्मरशील तू

हा शेर फारच सुरेख! विसरण्याचे दोन्ही पैलू आले आहेत. फार फार आवडला.

मस्त! गझल खूप आवडली. चित्तंशी सहमत आहे.

पाण्याप्रमाणे वाहती दुःखे तुझी...
डोळे स्वतःसाठी किती भरशील तू ?
हा शेर आवडला.
तरी... ? ऐवजी ! असते तर.....
डोळे स्वतःसाठी किती भरशील तू !

सलते कुठे निरखून घे आधी जरा...
भलतीकडे नुसतेच टोकरशील तू !
हा ही....

तसे नुसतेच "शील तू" असेही काही बसले असते.

वा वा मस्तच गझल.
माझ्याविना आहे तुला कुठली दिशा ?
माझ्यासवे, माझ्यात वावरशील तू !
मस्तच!