कचरा

गांधीजींच्या आकांक्षांचा 'स्टांप' बनवला, शिक्के मारुन मारुन त्याचा केला कचरा
होतकरूंच्या जंत्रीवरती ठोकुन शिक्का लोकसभांच्या कचराकुंड्या भरतो आहे
तुमची लांबलचक मात्रावृत्तातली गझल जरी विडंबनात्मक वाटली तरी फार आवडली. पुढील गझलेसाठी शुभेच्छा!

पूर्ण आदरपुर्वक,

कृपया व्यक्तिगत घेतले जाऊ नये. मात्र, या अशा 'गझला' (?) कृपया प्रकाशित करू नयेत असे मनापासून वाटते. बाकी कवीचे स्वातंत्र्य व प्रकाशकांच्या अधिकाराचा आदर आहेच.

आशय - अजिबात आवडला नाही.
अभिव्यक्ती - आवडली नाही.
उत्साह - आवडला.
प्रामाणिकपणा व आशयाची सत्यता - दोन्ही फार आवडले.

अजिबात नाही.

कुठलाही अनुभव गझलेत असावा असे माझे वैयक्तिक मत! मात्र, गझलेतील विचार गझलेसारखा येणे व द्विपदीतील संदेश हा अनुभुतीशी / अनुभुतीच्या कल्पनेशी निगडीत असणे हेही माझ्यामते आवश्यक आहे.

पुर्णपणे सामाजिक, देशभक्तीपर, नुसतीच शृंगाराची वर्णने अशी गझल नसावी हे माझे वैयक्तिक मत असून आपण ते स्वीकारावेत असा आग्रह नाही.

भटांचे 'माझ्या कवितेचा प्रवास' व तत्सम लेख वाचून त्यातून त्यांची काही महत्वाची मते लक्षात येतात गझलबद्दल! ती कृपया वाचावीत. अर्थात, ती आपण वाचली असतील किंवा आपण 'गझल रचणे' या प्रवासात बरेच पुढे असाल तर माफी!

मात्र, बाराखडीत भटसाहेबांनी गझलेची केलेली व्याख्या ही 'फक्त गझल तंत्र म्हणजे काय हेही ज्यांना माहीत नव्हते' त्यांच्यासाठी असावी असे मला वाटते तर त्यांच्या या स्थळावरील इतर लेखांमधून 'गझल' म्हणजे फक्त तंत्र नाही असे त्यांनी कळकळीने सांगीतलेले दिसते. मी दुसर्‍या मताला स्वीकारले आहे, अर्थातच, तंत्र बाणल्यानंतर!

चु. भु. द्या. घ्या.

शुभेच्छा!

कोथरुड ते हडपसर हा प्रवास रोज टू अ‍ॅन्ड फ्रो मीही करतो. मात्र, कृपया कधीही कुणाचेही सल्ले घेऊन कविता करू नयेत असे मैत्रीपूर्ण प्रतिपादन! (अगदी, माझा वरच्या प्रतिसादात मी दिलेला सल्लाही घेऊ नयेत.) :-))

गझलला मात्र तंत्र आहे व ते आपल्याला मी सांगण्याची आवश्यकता नाहीच!

चु. भू. द्या. घ्या!

मात्र, या अशा 'गझला' (?) कृपया प्रकाशित करू नयेत असे मनापासून वाटते.

अशाप्रकारचे प्रतिसाद अजिबात स्वागतार्ह नाहीत. इथे नव्याने गझल लिहू लागलेल्यांना जमेल तसे, शक्य तिथे प्रोत्साहन देणे हे संकेतस्थळाचे एक उद्दिष्ट्य आहे.

माझ्यामते कविता ह्या पूर्णपणे स्वानुभवावर असतातच असे नाही, असायला हव्यातच असे नाही. इतरांचे अनुभव, कल्पनाविलास कवितेत आल्यास वावगे नाहीच.

नव्या गझलकारांना तुमची मत'प्रदर्शने' बघून भंजाळायला होईल. जरा दमानं.

मान्य आहे!

विश्वस्त महोदय व श्री. चित्तरंजन,

आपले दोघांचेही मुद्दे अर्थातच मान्य आहेत.

माझं बरेच वेळा चुकतंच!

अशी मत'प्रदर्शने' होणार नाहीत याबद्दल खात्री बाळगावीत.

धन्यवाद!

(यापुढे प्रतिसाद म्हणून फक्त शेर देत जाईन.)

मी कवी नाही मला माहीत आहे
फालतू मी, फालतू अवडंबरे ही

तू कसा आहेस ते सांगीतले कोठे तुला मी?
वर्णनाला मी स्वतःच्याही तसा अपुराच आहे

ही गझल वाचून फार गम्मत आली !!!

ज्याप्रकारे मा़झा दिवस गेला होता.....त्यात ही रचना वाचून पहिल्यांदा हसलो आणि आनंदित झालो....!

हेच या गझलेचं यश !

जीयो अलख !

अशा गझला सुचल्या तर रचायला आणि येथे प्रकाशित करायला काहीच हरकत नाही असे मला वाटते....

येथे आम्ही सामान्य रसिक नव्या चांगल्या गझलांचा आस्वाद घ्यायला येतो....त्यामुळे येथील वातावारण नेहमी गम्भीर व अभ्यासू असावयासच हवे असे नाही !

कृपा करून तुमच्या उर्मींना रो़खू नका ! ह्या तुमच्या गझलेने मला हलके वाटले....आभारी !

'कविता करता करता बहुधा 'अलख निरंजन' उपडी करतो डोक्यामधली कचराकुंडी'

एकुण रचना... छा$$$$न.