घार

Posted by भूषण कटककर on Monday, 6 July 2009


मारले घारीस काही पारव्यांनी
'पिंजर्‍यामध्ये सिकंदरश्या' थव्यांनी

वर्ण केले चार जेव्हा आपल्यांचे
शोधला त्यांचा मनू मग पाचव्यांनी

आपला पत्ताच सूर्याला मिळेना
काढली आकाशगंगा काजव्यांनी

ओढतो आहेस त्यांची वात सध्या
साजरी झाली दिवाळी ज्या दिव्यांनी

काढली कोणी जरा शोधून काढा
वाट जी चोखाळली आहे नव्यांनी


गझल: 
गझल

प्रतिसाद

केदार पाटणकर

मंगळ, 07/07/2009 - 13:32

भूषण,
शेवटचा शेर चांगला.
मतला कृपया सोपा करावा.

खलिश

शनि, 11/07/2009 - 09:36

भूषण  साहेब,
फार छान गझल  आहे.
सारे च शेर आवडले. गझल चुकून नज़र अन्दाज़ झाली.
` खलिश ' -

अजय अनंत जोशी

सोम, 13/07/2009 - 10:35

आपला पत्ताच सूर्याला मिळेना
काढली आकाशगंगा काजव्यांनी

ओढतो आहेस त्यांची वात सध्या
साजरी झाली दिवाळी ज्या दिव्यांनी
हे आवडले.
कलोअ चूभूद्याघ्या

चांदणी लाड.

बुध, 15/07/2009 - 14:10

@गझल आवडली.
आपला पत्ताच सूर्याला मिळेना
काढली आकाशगंगा काजव्यांनी    सही आहे हा शेर

काढली कोणी जरा शोधून काढा
वाट जी चोखाळली आहे नव्यांनी 

हे शेर आवडले.