आकांत

Posted by क्रान्ति on Monday, 8 June 2009

प्राण झाला शांत आता
संपला आकांत आता

यायचे ना फिरुन येथे,
सोडला हा प्रांत आता

तोडले सारेच धागे,
का पडावी भ्रांत आता?

सावल्यांच्या संगतीने
बोलतो एकांत आता

सोहळे सोसून फसवे
जीव झाला क्लांत आता

वादळाचे धुमसणे हे
का न होई शांत आता?

गझल: 
गझल

प्रतिसाद

जयश्री अंबासकर

मंगळ, 09/06/2009 - 13:50

सगळीच गझल आवडली गं....!!
पहिले दोन  शेर तर फारच :)

ज्ञानेश.

गुरु, 11/06/2009 - 11:17

सुंदर  गझल.
सावल्यांच्या संगतीने
बोलतो एकांत आता
शेर  फार  आवडला.
पुलेशु.

शांत्सुत

शुक्र, 12/06/2009 - 14:19

सुंदर  गझल.
शांत्सुत एक आनंद यात्री ...

पुलस्ति

सोम, 15/06/2009 - 21:21

मलाही एकांत शेर फार आवडला!!

आनंदयात्री

गुरु, 18/06/2009 - 16:33

सावल्यांच्या संगतीने
बोलतो एकांत आता

वाव्वा........
चुभूद्याघ्या...
***********************
वाहत्या गर्दीत माझा चेहरा पाहू नको तू
मुखवटे आहेत तेथे, त्यात हा 'नचिकेत' नाही!!