वराकडील मानपान

Posted by भूषण कटककर on Saturday, 14 February 2009

निकाल लागला कधीच या जगायचा
उगाच प्रश्न ऐच्छिकातला लिहायचा

पुन्हा नवी पहाट दाखवे नवा जिना
पुन्हा सवाल हाच की कसा चढायचा

न फायदा तरी न मोह सोडला कधी
जसे म्हणायचीस तू तसे करायचा

तुझाच भोंडला तुझाच आव सारखा
खिरापतीस आमच्या न ओळखायचा

 वराकडील मानपान मीच पाहतो
असाच भेटलाय तो मला पहायचा

सतर्क जीवनास पाहिजे करायला
नसायचो, उगाच पाळणा हलायचा

 


 

 

 

 

 

 


 

 

 

गझल: 
गझल

प्रतिसाद

अजय अनंत जोशी

शनि, 14/02/2009 - 19:53

मानपान पाहताय म्हटल्यावर प्रश्नच नाही. पण शेर जरा कठीण जातोय.
जिना, मोह, पाळणा = भन्नाट
भोंडला ही छानच.
कलोअ चूभूद्याघ्या

भूषण कटककर

सोम, 16/02/2009 - 10:57

अजय,
मनापासून धन्यवाद! संकेतांचा जाणीवपुर्वक वापर करण्याचा हा प्रयत्न होता. आपली दाद मिळाली.
बरे वाटले.

चित्तरंजन भट

सोम, 16/02/2009 - 20:54

पुन्हा नवी पहाट दाखवे नवा जिना
पुन्हा सवाल हाच की कसा चढायचा
वा, छान!

सुनेत्रा सुभाष

मंगळ, 17/02/2009 - 08:49

पुन्हा नवी पहाट दाखवे नवा जिना
पुन्हा सवाल हाच की कसा चढायचा
न फायदा तरी न मोह सोडला कधी
जसे म्हणायचीस तू तसे करायचा
तुझाच भोंडला तुझाच आव सारखा
खिरापतीस आमच्या न ओळखायचा
आवडलेले शेर.