हाक

दालनात दालने नि दालनात दालने
एक देह...त्यात ही मनातली किती मने !

मोकळेपणातही जरा न मोकळेपणा...
घातली कुणावरी जरी कुणी न बंधने

मी विचारले नभास, ` जायचे पुढे कुठे ? -
- संपले समुद्र सात...सात संपली वने...`

मी चुकूनही कधीच ओ न द्यायचो, तरी -
हाक मारलीस का मला चुकून वेदने ?

वरील शेर फार फार आवडले
गझल सुंदर

प्रदीप,
नेहमीसारखीच सफाईदार.

थांबवायचे कसे मनातले विचार हे....?
एकसारखीच ही सुसाटतात वाहने
वा!

मोकळेपणातही जरा न मोकळेपणा...
घातली कुणावरी जरी कुणी न बंधने

अप्रतिम शेर आहे. बंधनांमध्ये अडकण्यात सुख मानणार्‍या मानवी मनाचे सुरेख चित्रण..

मोकळेपणातही जरा न मोकळेपणा...
घातली कुणावरी जरी कुणी न बंधने

अप्रतिम शेर आहे. बंधनांमध्ये अडकण्यात सुख मानणार्‍या मानवी मनाचे सुरेख चित्रण..

sarvaanshee sahamat! subak va surekh gazal!

जमीन फार आवडली अनेक शेर आणि मिसरे आवडले
वाहने चा शेर सर्वाधिक आवडला

बाप रे !
काय एक एक शेर आहेत !
प्रतिमा शेरात अशा काही बेमालूमपणे गुंतवल्या गेल्या आहेत की जणू कोंदणातले हिरे.
नतमस्तक !
धन्यवाद !!

मी चुकूनही कधीच ओ न द्यायचो, तरी -
हाक मारलीस का मला चुकून वेदने ?
सुरेख, अतिशय सुरेख. आपल्या एकुणच गझला मस्त भावतात.