अर्थ मौनाचे...

Posted by निरज कुलकर्णी on Wednesday, 23 February 2011

अर्थ मौनाचे...

लोक सारे व्यर्थ जेव्हा, बडबडाया लागले...
अर्थ मौनाचे तुझ्या, मज आकळाया लागले...

तू अशी जादूगरी, केली सखे माझ्यावरी...
सावली अन् देह आता, एक व्हाया लागले...

पौर्णिमेच्या चांदण्याने घाव केले पाशवी...
गूढ भय, अवसेतले, मज आवडाया लागले...

नम्रभावाने जयांची, लाच मी अव्हेरली...
ते मनापासून मजला, घाबराया लागले...

ऐनवेळी घात केला, आप्त गेले सोडुनी...
हाय अन् छातीमधे, भलते दुखाया लागले...

- निरज कुलकर्णी

गझल: 
गझल

प्रतिसाद

क्रान्ति

गुरु, 24/02/2011 - 17:51

वा! जादूगरी आणि पौर्णिमा खूपच खास!

सतीश

शनि, 26/02/2011 - 15:16

वा! नीरज, सुंदर गजल आहे.
'मौन' (मतला) आणि 'अवस' हे विशेष आवडले.

सारंग_रामकुमार

मंगळ, 01/03/2011 - 17:18

फारच छान !
वाचताना रोमांचित झालो!!!!!!

रामकुमार

विद्यानंद हाडके

मंगळ, 08/03/2011 - 11:02

पौर्णिमेच्या चांदण्याने घाव केले पाशवी...
गूढ भय, अवसेतले, मज आवडाया लागले... निरजजी, हासिले गझल शेर ...

गंगाधर मुटे

मंगळ, 08/03/2011 - 20:13

पौर्णिमेच्या चांदण्याने घाव केले पाशवी...
गूढ भय, अवसेतले, मज आवडाया लागले

मस्त शेर.