तू .....

तू .....
.
*

कधी, कशी, कुठे सखे, नभा मिळे धरा इथे?
न सावलीस लाभणार चेहरा खरा इथे !

*

पहाट पारिजात हा जरी लुभावि अंगणा ,
तुझाच गंध माळुनी सलज्ज मोगरा इथे !

*

उठायचे निजायचे सुरू रहाटगाडगे,
अजून ’याद’ कोवळी सतावते जरा इथे !

*

तुझी ’अदा’ तुझी नशा तना-मनास पेटवी,
’खडा’ दुधात टाकणार भास बोचरा इथे !

*

पुन्हा मला कुशीत घेत शब्द पेंगले जरी ,
तुझ्याच आठवात दंग कैफ़ नाचरा इथे !

*

प्रहार लक्ष झेलण्यास काळरात्र झुंझली,
तरी नवाच भासतो अरुण हासरा इथे !

*

-सुप्रिया (जोशी) जाधव.