का....?(गझल)
Posted by mamata.riyaj@gm... on Sunday, 24 October 2010
नेहमीचे हे तराणे तू असा टाळून गेला
पापण्यांना आसवांची तोरणे माळून गेला !!
नेहमीचा तोच तोरा तीच पुन्हा बेफिकीरी
का असा हा जीव वेडा त्यावरी भाळून गेला !!
काळजाचा ठाव घेणे पाहुनीही ना पहाणे
पोळलेल्या जाणिवांना का पुन्हा जाळून गेला !!
हुंदक्याचा भार झाला एक एका आठवांना
श्रावणाच्या धुंद राती मोगरा वाळून गेला !!
शाप आहे हा मला उ:शाप मागू मी कुणाला
फाटक्या झोळीस माझ्या तो जणू चाळून गेला ..!!
ममता....
गझल:
प्रतिसाद
शाम
सोम, 25/10/2010 - 09:15
Permalink
ताई, मतला आणि नंतरचे दोन शेर
ताई, मतला आणि नंतरचे दोन शेर अप्रतिम!
नंतर पकड सुटल्या सारखे वाटते!
पण एकंदर छान! आवडली
आनंदयात्री
सोम, 25/10/2010 - 10:12
Permalink
पुन्हा या शब्दाचा उच्चार
पुन्हा या शब्दाचा उच्चार करताना पु हा absolutely लघुच होतो. आपण "तीच पुन्हा" हे गा ल गा गा असे घेण्याचा प्रयत्न केला आहे. त्यासाठी पुन्न्हा असं वाचावं लागेल.
क्रान्ति
सोम, 25/10/2010 - 16:33
Permalink
हुंदक्याचा भार झाला एक एका
हुंदक्याचा भार झाला एक एका आठवांना
श्रावणाच्या धुंद राती मोगरा वाळून गेला !!
सुरेख!!
विजय दि. पाटील
बुध, 27/10/2010 - 13:10
Permalink
आनंदयात्रींशी सहमत.......
आनंदयात्रींशी सहमत.......
mamata.riyaj@gm...
बुध, 27/10/2010 - 20:23
Permalink
खूप खूप आभार.... विद्यार्थिनी
खूप खूप आभार....
विद्यार्थिनी अजून शिकाऊ आहे...
आता न चुकता लिहिण्याचा प्रयत्न...दरवेळेस...!!
ममता....
mamata.riyaj@gm...
बुध, 27/10/2010 - 20:28
Permalink
खूप खूप आभार.... विद्यार्थिनी
खूप खूप आभार....
विद्यार्थिनी अजून शिकाऊ आहे...
आता न चुकता लिहिण्याचा प्रयत्न...दरवेळेस...!!
ममता...