अपघात काय घडला?

रिमझिम सुरात धारा अवघा मळा बहरला
बांधावरी उतरल्या माझ्या अनंत गझला

वा... छान. मतला आवडला.

पाण्यात त्राण नाही विरले कधीच भवरे
हळव्या नदीत सांगा अपघात काय घडला?

जरा संदिग्ध वाटतोय......

पाण्यात त्राण नाही विरले कधीच भवरे
सांगा तुम्ही नदीचा अपराध काय घडला?....... असे केल्यास्?अर्थात निर्णय तुमचाच.

आई किती मयेची सार्‍याच लेकरांची
वाचून ओळ वरची गालात बाप हसला

ठीक...

अंधार शुभ्र झाला आभाळ सांडताना
भिजती धरा दिसेना, तो सुर्यही तरसला

सुंदर.....

ये मी रचून आलो माझे सरण कधीचे
ये एकटाच मरणा नाही विरोध कसला

हा शेर बाकी भन्नाट आहे...आवडला.

एकंदर छान गझल.

डॉ.कैलास

ये मी रचून आलो माझे सरण कधीचे
ये एकटाच मरणा नाही विरोध कसला

इथे

ये मी रचून आलो माझे सरण कधीचे
ये एकटाच मॄत्यो नाही विरोध कसला

हे हि बरे वाटेल.

डॉ.कैलास

दुसरा अन तिसरा शेर अप्रतिम! ह.बा., लिहीत राहा! आपण गझलेत नवीन आहात हे मला व्यक्तीशः मान्य नाही.

ह.बा.जी ,
एकंदर गझल सुरेखच.

ये मी रचून आलो माझे सरण कधीचे
ये एकटाच मरणा नाही विरोध कसला

इथे

ये मी रचून आलो माझे सरण कधीचे
ये एकटाच मॄत्यो नाही विरोध कसला

कैलासजींनी सुचविलेल्या ह्या बदलाशी मी १००% सहमत आहे.'मरणा' ऐवजी 'मॄत्यो 'या शब्दाने शेराचे वजन अधिक वाढते आहे .शेर आणखी खणखणीत झाल्यासारखा वाटतो.आपण यावर नक्कीच विचार करावा.चांगले ते घ्यावे.....

ये मी रचून आलो माझे सरण कधीचे
ये एकटाच मरणा नाही विरोध कसला

हा शेर खरेच काळजाला भिडला.आणि एका गझलेत लिहिलेला माझा -
पोचली तुझ्यापुढेच लाकडे
तू चितेवरी तुला रचून जा

हा शेरही मला आठवला.इथे तो फक्त रसस्वादासाठी देत आहे.जेणेकरून प्रत्येकाचे विचार(किंवा कल्पना)यातील साम्य भिन्नता कशी असू शकते हे दिसावे.मराठी,हिंदी,उर्दूत याहून अधिक चांगली उदाहरणे असतील.आपला तितका खरेच अभ्यासही नाही अन वाचनही.हाती होते ते दिले.मात्र दिलेले योग्यच होते याचा पत्ता नाही.कोणी याप्रकारची उदाहरणे सांगितल्यास मजा येईल.

खालील शेर वादातीत आहे.
मला तरी तो आहे तसाच आवडला.

ये मी रचून आलो माझे सरण कधीचे
ये एकटाच मरणा नाही विरोध कसला

सुंदर शेर!
----------------------------------------------नचिकेत भिंगार्डे

शेवटचा शेर आवडला. बाकी द्विपदी फारशा कळल्या नाही. कृपया काही पॉइंटर्ज़ द्यावे. 'मयेची' हा शब्द वापरलेला आवडला.

शेवटचा शेर छान.

रिमझिम सुरात धारा अवघा मळा बहरला
बांधावरी उतरल्या माझ्या अनंत गझला

सु॑दर...

ये मी रचून आलो माझे सरण कधीचे
ये एकटाच मरणा नाही विरोध कसला
एकदम गझल-ष्टाईल!!!
आवडला..

ये मी रचून आलो माझे सरण कधीचे
ये एकटाच मरणा नाही विरोध कसला

बढिया !