हेच असे असते जगणे...

Posted by अजय अनंत जोशी on Saturday, 5 June 2010

हेच असे असते जगणे
जे घडते नुसते बघणे

हे न कधीच कुणा सुटले
भास उगाचच पांघरणे

ध्यास कुणास बघा असतो...
'ठेच उरातच बाळगणे'

सत्य मनास पटेल कसे ?
फक्त हवे जर थोपटणे

व्यर्थ ठरेल उगीच अता
वीज नभातुन कोसळणे

हाय! मला बघ काम किती...
रोज नवे चमचे भरणे

सोड बिळातच वावरणे
जीवनही जग शूरपणे

वर्तुळ सोड नि ये जगती
बघ, नमतील हजार कणे

सोड अता 'अजया' नुसता
जीव स्वतःतच गुंतवणे

गझल:

गझल

प्रतिसाद

कैलास

रवि, 06/06/2010 - 16:07

Permalink

छोट्या बहराची... पण अत्यंत

छोट्या बहराची... पण अत्यंत ओघवती..

मतला अन मक्ता विशेष आवडला.

डॉ.कैलास

ह बा

सोम, 07/06/2010 - 10:31

Permalink

सत्य मनास पटेल कसे ? फक्त हवे

सत्य मनास पटेल कसे ?
फक्त हवे जर थोपटणे

छान.

निलेश कालुवाला

सोम, 07/06/2010 - 17:35

Permalink