साडेसाती

Posted by अविनाश ओगले on Saturday, 19 September 2009

देईल का मज कुणी दिलासा
साडेसातीत हवाहवासा

म्हणती साडेसातीमध्ये
फिरते घर अन् फिरतो वासा

नुसती तडफड साडेसाती
जळावाचूनी जैसा मासा

सहजासहजी होते गोची
उच्छ्‌वासांचा होई उसासा

साडेसातीनंतर तरी का
मनासारखा पडेल फासा?

-अविनाश ओगले

गझल: 
गझल

प्रतिसाद

चित्तरंजन भट

सोम, 21/09/2009 - 21:10

ही गझलेपेक्षा साडीसातीवरील थोडी गमतीदार कविताच वाटते आहे.

अजय अनंत जोशी

मंगळ, 22/09/2009 - 10:39

साडेसातीनंतर तरी का
मनासारखा पडेल फासा?
हे छान!
तरी मात्रा मोजून पहा.....
ही कवितेसारखी वाटते हेही खरे!
(....आणि माझे हे मत सर्वांसाठी असते बरं का! )
चुभुद्याघ्या.