मला माणसांत रस आहे
मला माणसांत रस आहे. गप्पा मारण्यात रस आहे. कॉमिक्स आवडतात. चांगले खाण्यातही खूप रस आहे.
Taxonomy upgrade extras:
करू नका एवढ्यात चर्चा पराभवाची
रणात आहेत झुंजणारे अजून काही !
मुलाखत
मला माणसांत रस आहे. गप्पा मारण्यात रस आहे. कॉमिक्स आवडतात. चांगले खाण्यातही खूप रस आहे.
महाराष्ट्रातील काही नामवंत लेख आणि कवी यांच्याशी अघळपघळ, तपशीलवार आणि बिनधास्त मोकळेपणाने "बातचीत" करणारे प्रा. श्री. भास्कर नंदनवार यांनी सुरेश भटांशीही तशीच बातचीत केली. त्या प्रदीर्घ बातचितीचा हा सारांश.
"मधाळ कोमल शब्दांत आदिम शारीर भाव आणि मनाचे कोमल बंध नाजूकपणे चित्रित करण्याचे सामर्थ्य जसे त्यांच्या काव्यात आढळते तसेच अनुदार समाजव्यवस्थेच्या विरुद्ध शब्दांचे शस्त्र परजण्याची शक्तीही आढळते. पण अट्टाहासाने स्वीकारलेल्या सामाजिक बांधीलकीतील तत्त्वज्ञानाचा उरबडवा प्रसार आणि प्रचार करण्याची आसक्ती मात्र त्यांनी अगदी सहजगत्या टाळली आहे. त्यांची कविता खऱ्या अर्थाने माणसांची कविता आहे.''