मजबुरीने

खूप काही सहन करतो मजबुरीने....
मजबुरीचा राग येतो मजबुरीने....

तेच जगणे तेच मरणे जीवनाचे
हेच गाणे रोज गातो मजबुरीने

प्रेम करतो मी तुझ्यावर एवढे की,
की , तुझा मग राग येतो मजबुरीने

जिंकलो कित्येक मी  मोठ्या लढाया
पण तुझ्याशी सहज हरतो मजबुरीने

हौस मृत्यूची  इथे आहे कुणाला
शेवटी माणूस मरतो मजबुरीने

देह - विक्री अन खरेदी  भूक आहे
प्रश्न साधा कठिण बनतो मजबुरीने
                            
                                 -अभिषेक घ. उदावंत
                         संवेदना रायटर्स कम्बाईन, अकोला.