जीवन

ही भासांशी  शय्यासोबत..
...स्वप्नांपुरते जागे जीवन

एक दिलासा पुरतो केवळ..
तितक्यानेही भागे जीवन ----गझल व हे शेर खास!
चांगुलपणाचा शेर थोडा अधिक अर्थवाही  होऊ शकेल का?
जयन्ता५२

ही भासांशी  शय्यासोबत..
...स्वप्नांपुरते जागे जीवन
वा क्या बात है!! गझल आवडली.

खूपच छान...

धापा टाकू लागे जीवन..
..श्वासांचे ॠण मागे जीवन  

ही भासांशी  शय्यासोबत..     (सुंदर कल्पना)
...स्वप्नांपुरते जागे जीवन

मी कोणाच्या मागे नाही...
...माझे माझ्या मागे जीवन...

वरील शेर फार आवडले. शुभेच्छा.

जागे, धागे आणि मागे हे शेर खूप आवडले!!

ही भासांशी  शय्यासोबत..
...स्वप्नांपुरते जागे जीवन
वावावा! मस्त शेर आहे. फार आवडला. एकूण गझलही छान वाटली.
मी कोणाच्या मागे नाही...
...माझे माझ्या मागे जीवन...
या शेराच्या खालच्या ओळीत माझ्या मागेमागे जीवन असा बदल सुचवावासा वाटला. मागेमागे या शब्दामुळे ओळीत आणि शेरातही जास्त मजा येईल, असे मला वाटले. चूभूद्याघ्या.
- चक्रपाणि जीवन चिटणीस

छान गझल. आवडली. छोटी बहर.  नादमाधुर्य विलक्षण.
आपला,
(तृप्त) धोंडोपंत
चक्रपाणि पंतांनी सुचविलेला बदल आम्हाला गझल वाचतानाच लक्षात आला.  त्यांच्याशी सहमत.
 " माझ्या मागे मागे जीवन" हा मिसरा, तुम्ही ज्या अर्थाने हा शेर घेतला आहे त्याच अर्थाने आम्हाला जास्त भावतो.  किंबहुना
" मागेमागे" याचा अर्थ मागे लागलेले असाच होतो असे वाटते.
"माझे माझ्या मागे जीवन" याचा अर्थ मागे लागलेले नसून मागे असलेले असा होतो.
मागेमागे ही द्विरुक्ती असलेले नसून लागलेले सूचित करते.
अर्थात कोणता बदल स्विकारायचा वा कोणता नाकारायचा हा सर्वस्वी आपला अधिकार आहे.
आपला,
(चिकित्सक) धोंडोपंत
आम्हाला इथे भेट द्या http://dhondopant.blogspot.com