ताटाखालची मांजरे

Posted by नितीन on Wednesday, 6 June 2007


वेगवेगळ्या धर्मांचे वेगळे रंग झाले
सारख्याच माणसांचे आगळे ढंग झाले


आज राहिला न गाभा-यात माझा विठोबा
मोजण्यात नोट सारे मंदिरी दंग झाले


काय बोलणार ताटाखालची मांजरे ही?
बोललो जरा कुठे मी आणि वादंग झाले!


भाकरी न भेटली त्यांना कुणा काय वाटे?
ती रिती जरी तिजोरी, 'हे' खिसे तंग झाले


शोधतो अजूनही मी भूतकाळास माझ्या
काय मी करू सखे? स्वप्नही असे भंग झाले...


गझल: 
गझल

प्रतिसाद

चित्तरंजन भट

गुरु, 07/06/2007 - 00:13

गझल छान. ताटाखालची मांजरे आवडली. वृत्त वेगळे आहे. वेगळीच लय. किंबहुना मला लयीत म्हणताना त्रास होतो आहे.

समीर चव्हाण (not verified)

गुरु, 07/06/2007 - 12:44

जो पर्यंत वृत्तांवर हुकुमत येत नाही तोवर प्रचलित वृत्तांमधेच लिहावे.
मांजरे, विठोबा आवडले.  

माणिक जोशी

शुक्र, 08/06/2007 - 07:58

शीर्षक मस्त आहे !
सहजता वाखाणण्याजोगी आहे !
मस्त गजल !

उदय नावलेकर

सोम, 11/06/2007 - 12:59

आज राहिला न गाभा-यात माझा विठोबा
मोजण्यात नोट सारे मंदिरी दंग झाले
शेर भिडला.