पाहिले तुला हळूच
पाहिले तुला हळूच काल मी तिथे वळून
रूपमोगरा मनात दरवळे तुझा अजून
.
ओतले मधाळ गोड रूप साजिरे तुझ्यात
चंद्र पाहता वरून लाजतो तुला बघून
.
आजकाल आसपास होतसे तुझाच भास
प्राण प्राण रोम रोम गातसे तुझीच धून
.
बघ वळून तू जरा तुझा पतंग लाजरा गं
लाव हास्यज्योत तू गं प्राण चालला विझून
.
हाय काय हासलीस हाय काय लाजलीस
हाय का गं चाललीस जीवनास मंतरून
.
तुषार जोशी, नागपूर
.
गझल:
प्रतिसाद
चित्तरंजन भट
गुरु, 27/01/2011 - 11:37
Permalink
रूपमोगरा मनात दरवळे तुझा
रूपमोगरा मनात दरवळे तुझा अजून
वा. सुरेख टवटवीत ओळ आहे. एकंदर एक छानशी भावकविताच वाटते आहे. जाताजाता: गं मला खटकले. पण आजकाल बरेच कवी 'गं' लघू गृही धरून वापरतात हेही खरेच.
पुढील लेखनास शुभेच्छा आणि स्वागत.