दावा ..

Posted by कमलाकर देसले on Monday, 10 January 2011

गंध,माळा वा टिळा लावा कितीही ;
पावतो का "तो" ? करा दावा कितीही ..

तृप्त होतांना अशी अतृप्त का रे ?
वाज गोपाला तुझा पावा कितीही..

तो उद्याचा सिंह हे ध्यानी असू द्या ;
शांत हा वाटे जरी छावा कितीही ..

ताप शापाचा बरे उतरेल कैसा?
चंदनाचा लेप हा लावा कितीही ..

सत्य नाही झाकता येते कधीही ;
दाखवा खोटाच देखावा कितीही .

गझल: 
गझल

प्रतिसाद

supriya.jadhav7

मंगळ, 11/01/2011 - 10:52

भन्नाट आहेत सगळेच शेर.....

३-३ वेळा वाचली...कुठला एक शेर नाही देता येत ईथे....

क्रान्ति

मंगळ, 11/01/2011 - 20:42

तो उद्याचा सिंह हे ध्यानी असू द्या ;
शांत हा वाटे जरी छावा कितीही ..

सही!

कमलाकर देसले

मंगळ, 11/01/2011 - 21:15

सुप्रीयाजी ,क्रांती आपल्या अतिशय उत्कट प्रतिक्रियांबद्दल मनःपूर्वक आणि मनभर आभार !आणि आपल्या रसिकतेला सलाम !

वैभव देशमुख

बुध, 12/01/2011 - 10:19

ताप शापाचा बरे उतरेल कैसा?
चंदनाचा लेप हा लावा कितीही ...

गझल फार आवडली....

वैभव देशमुख

बुध, 12/01/2011 - 10:19

ताप शापाचा बरे उतरेल कैसा?
चंदनाचा लेप हा लावा कितीही ...

गझल फार आवडली....

कमलाकर देसले

शनि, 15/01/2011 - 23:12

वैभवजी ,धन्यवाद

चित्तरंजन भट

सोम, 24/01/2011 - 13:54

एकंदर गझल छान झाली आहे.

ताप शापाचा बरे उतरेल कैसा?
चंदनाचा लेप हा लावा कितीही ..
विशेष.

कमलाकर देसले

बुध, 02/02/2011 - 23:02

चित्तरंजनजी ,खूप खूप आभार.''ताप शापाचा... हा माझाही आवडता शेर आहे.