वाटे पुन्हा पुन्हा..

Posted by बहर on Sunday, 12 September 2010

रस्ता असा चुकावा वाटे पुन्हा पुन्हा..
मुक्काम हाच व्हावा.. वाटे पुन्हा पुन्हा!

चोरून भेटलो अन वचने किती दिली...
तो काळ आज यावा, वाटे पुन्हा पुन्हा..

सांगूनही जगाला, पटले कुठे इथे?
सोडून नाद द्यावा, वाटे पुन्हा पुन्हा!

मी चकवले व्यथेला, फसलीच खास ती!
काढेल पण सुगावा, वाटे पुन्हा पुन्हा!!

ईमान राखणारा पाऊस हा गडे..
आता फितूर व्हावा, वाटे पुन्हा पुन्हा!

-- बहर.

गझल: 
गझल

प्रतिसाद

अनिल रत्नाकर

मंगळ, 14/09/2010 - 00:34

मस्त,
वाचावीशी वाटते पुन्हा पुन्हा.

गंगाधर मुटे

मंगळ, 14/09/2010 - 14:20

छान गझल.

बहर

शनि, 18/09/2010 - 01:51

अनिलजी.. मुटेजी.. धन्यवाद.

श्यामली

शनि, 18/09/2010 - 13:13

छान गझल
मी चकवले व्यथेला, फसलीच खास ती!
काढेल पण सुगावा, वाटे पुन्हा पुन्हा!!>>> हा शेर जास्त आवडला

क्रान्ति

रवि, 19/09/2010 - 18:09

वा! छान गझल. मुक्काम, सुगावा, नाद अगदी खास.

बहर

बुध, 22/09/2010 - 20:40

श्यामली आणि क्रांतीजी.. प्रतिसादांबद्दल आभार.

निलेश कालुवाला

गुरु, 23/09/2010 - 16:43

मी चकवले व्यथेला, फसलीच खास ती!
काढेल पण सुगावा, वाटे पुन्हा पुन्हा!!

एकदम मस्त शेर...

गझल आवडली.

ह बा

गुरु, 23/09/2010 - 18:15

भन्नाट!!!

बहर

शुक्र, 24/09/2010 - 21:51

धन्यवाद निलेश.. हबा..

@ हबा... आहात कुठे हबा??? बरेच दिवस दिसला नाहित आपण?

चित्तरंजन भट

शुक्र, 24/09/2010 - 23:43

चोरून भेटलो अन वचने किती दिली...
तो काळ आज यावा, वाटे पुन्हा पुन्हा..

वाव्वा. साधेपणा फार आवडला.

बहर

शनि, 25/09/2010 - 21:30

धन्यवाद चित्तरंजन.