ना मिळे
Posted by अनिल रत्नाकर on Sunday, 10 January 2010
ना मिळे ती भाकरीही बघाया
रोज धोंड्याची उशी ती निजाया
नित्य वाया अक्षतांचा ढिगारा
तांदळाची पेज, तीही, न प्याया
वाळलेल्या रोपट्यांचा नजारा
लागली ती जंगलेही रडाया
कर्जफेडाया जगावे कशाला
कोणताही मार्ग नाही सुटाया
ह्या मढ्यांचा रोज वाढे पसारा
शेत जाळे, आस नाही जगाया
जन्म ना तो लाभतो मानवाचा
देव झाली माणसे, ती तराया
गझल:
प्रतिसाद
बेफिकीर
सोम, 11/01/2010 - 01:16
Permalink
३ व ४ आवडले.
३ व ४ आवडले.
अनिल रत्नाकर
मंगळ, 12/01/2010 - 01:34
Permalink
धन्यवाद. माझे नाव जे इंग्रजीत
धन्यवाद.
माझे नाव जे इंग्रजीत येते ते मरठीत कसे करता येईल याबद्दल आपणास काही माहीती असल्यास देता येइल का?
मला ते फार खटकते. तसदीबद्दल क्षमस्व.
अजय अनंत जोशी
मंगळ, 12/01/2010 - 23:00
Permalink
नित्य वाया अक्षतांचा
नित्य वाया अक्षतांचा ढिगारा
तांदळाची पेज, तीही, न प्याया
हा शेर छान.
परंतु, यात अक्षता या शब्दाला अनुसरून आणखी एखादा उल्लेख आला असता तर आणखी छान झाले असते.
छान.
अनिल रत्नाकर
बुध, 13/01/2010 - 08:17
Permalink
धन्यवाद. लग्न-कार्यात तांदुळ
धन्यवाद.
लग्न-कार्यात तांदुळ पायदळी तुडवला जातो त्याने मन विषण्ण होते, तसेच काही नवरदेव फुलांच्या पायघड्यांवरुन बुट घालून चालतात, असे वाटते ह्या पाकळ्यांचे काटे व्हावेत. आपली सुचना खरेच मान्य आहे पण मनातले विषय मला कवितेत मांडणे जेव्हढे जमते तेव्हढे अद्याप गझलेत जमत नाही. काही तांत्रिक चूका होतातच.
कळावे.
काही अवास्तव वाटल्यास क्षमस्व.
अनिल रत्नाकर
बुध, 13/01/2010 - 20:52
Permalink
ही माझी वैयक्तिक मते आहेत.
ही माझी वैयक्तिक मते आहेत. कोणाला दुखावणे हा हेतु नाही.