वेदना

लक्षातल्या निमिषान्तही , द्रुश्यान्तही तव चेतना

अवघड्ल्या हास्यात माझ्या, चमकून जाई वेदना...//ध्रु//

जन्मल्या हळव्या क्षणांना कैद ना केले कुणी,

सांगतो सारे मनीचे चेहरा नच धोरणी..

इछ्छिले सगळे मिळावे वेड्या अशी जनरित ना....//१//

आसवेल्हाळ मोर मनात मुक्त नाचतो,

अजुनि डोळ्यान्त रुक्ष नवे गीत वाचतो..

गालांवरती ओघळणारे आज शब्द वाच ना....//२//

गंधिले अनेकदा जे फुल स्वप्नी सुगन्धी,

कोमेजता डोळ्यांत आज उतरून जाई धुंदी...

शोधिले आजन्म किन्तु गंध पुन्हा गवसेचना....//३//