कुणी माझ्यासवे यावे

Posted by अजय अनंत जोशी on Sunday, 17 May 2009

इथे मी लाख सांगावे, कुणी ते का स्विकारावे ?
'कुणी ज्ञानासवे जावे, कुणी माझ्यासवे यावे'


नकारा झेलण्या तुझिया कधीचा मी तयाराहे
तिथे तू पोचली नाहीस तर मी काय मागावे ?


सदाचा घोळ हा माझा तिच्या प्रीतीत गुरफटला
असे मी काय केले की तिने गुंतेच सोडावे ?


मनाचा थांग माझ्या मी मनाने शोधतो आहे
तसा तो शोधण्या तू मन उधारीने तुझे द्यावे


पराचा होतसे कोणी, म्हणे कोकीळ मी आहे -
मिळे पिंडासवे भोजन, अता मयतासही गावे


अशी मी काय जादू साधली... निर्णय तिने द्यावा -
रहावी मूर्खता याची.. परी याला झुगारावे ?

गझल: 
गझल

प्रतिसाद

rupali joshi

रवि, 17/05/2009 - 16:40

खुप  छान,

अजय अनंत जोशी

बुध, 20/05/2009 - 11:20

धन्यवाद रूपाली,
माझे नाव वाचूनही गझलवर प्रतिसाद दिल्याबद्दल धन्यवाद.
प्रतिसाद कसा असतो हे महत्वाचे नाही. तो देणारा महत्वाचा.
कलोअ चूभूद्याघ्या

गोवित्रिकर

बुध, 20/05/2009 - 12:18

मनाचा थांग माझ्या मी मनाने शोधतो आहे
तसा तो शोधण्या तू मन उधारीने तुझे द्यावे
इथे मला उधारी आवडले.
सोप्या भाषेत लिहिण्याची आपली पद्धत चांगली आहे.
गोवित्रिकर

क्रान्ति

बुध, 20/05/2009 - 19:32

मनाचा थांग माझ्या मी मनाने शोधतो आहे
तसा तो शोधण्या तू मन उधारीने तुझे द्यावे
क्या बात है!क्रान्ति {रोज सकाळी असे काहि वाचावे सुंदर | अवघे जीवन भरून जावे आनंदाने!}