मागचे येतील नंतर
Posted by केदार पाटणकर on Saturday, 19 December 2015
मागचे येतील नंतर...जा पुढे
लाव पहिला तूच नंबर...जा पुढे
लाट तू उठवू नको पाण्यावरी
शांत राहू दे सरोवर..जा पुढे
धाव जोराने, नको मागे बघू
पोच सगळ्यांच्या अगोदर.. जा पुढे
आसरा देऊ कसा, कोठे तुला ?
मी असा बेकार, बेघर...जा पुढे
जी हवी ती माणसे गेली पुढे
गाठण्या त्यांना भराभर जा पुढे
गझल:
प्रतिसाद
विजय दि. पाटील
शुक्र, 25/12/2015 - 11:50
Permalink
मतला, सरोवर छान.
मतला, सरोवर छान.
"जा पुढे" वगळून अधिक नेमकी करता येईल असे वाटले.
केदार पाटणकर
शनि, 02/01/2016 - 12:29
Permalink
विजयराव, तुमची प्रतिक्रिया
विजयराव, तुमची प्रतिक्रिया चिंत्य आहे. धन्यवाद.