' कहाणी...'( गझल )
Posted by mamata.riyaj@gm... on Sunday, 14 November 2010
जो तो पळून जातो ऐकून ही कहाणी
बाजार हा खुळ्यांचा माझी व्यथा शहाणी
हे वेड पावसाचे डोळे भरून गेले
का अंतरात माझ्या ओलावली तराणी
ओझे तुझ्या कथेचे दारास टांगलेले
ना भार काळजाला का मीच दीनवाणी
हा आरसा जिवाचा केव्हाच भंगलेला
का चेहरा तुझा तो येतो खुलून राणी
जिंकून हारण्या तो मी डाव मांडलेला
माझ्या पराभवाची गातो खुशाल गाणी
ममता..
गझल:
प्रतिसाद
आनंदयात्री
बुध, 24/11/2010 - 14:34
Permalink
३ रा आणि ४था आवडले.. बाकी
३ रा आणि ४था आवडले..
बाकी मतल्यामध्ये तयार झालेली जमीन पाळली गेलेली नाही..