विमान माझे तयार होते !
खरेच का ? चांदणे तुझे- ते -मला कधी भेटणार होते !
हजार वणवे उरात माझ्या - चितेवरी पेटणार होते !
"समाज भिंती " सपाट करुनी - जरा तुझ्या अंगणात आलो !
नव्या नव्या तोरणात नटले - मला तुझे - बंद दार होते !
तुला दिली "ती" ! फुलेच नव्हती - "ऋतु - ऋतुंचे सवाल" होते !
अनेकदा "मोहरुन" गेलो - हवे हवेसे - नकार होते !
हसून देईन कारणे - का ? रडावयाला उशीर झाला !
"सऋद्य" जे वाटले तयांचे - जिवंत ठोकेच ठार होते !
* ( "सऋद्य" - सर्‍हुदयी - संवेदनशील- भावनाप्रधान )
जिवंत होतो -जगून गेलो - मरावयाला जिवंत आहे !
विसंबुनी राहिलो कसा ? मी - तिने दिले "शब्द चार" होते !
सुळावरी दे मला ! तरीही इमान माझे प्रमाण आहे
"तुका" ! "विठोबा" उभे कधीचे - विमान माझे तयार होते !
.............मयुरेश साने....दि...९-फेब-११
गझल:
प्रतिसाद
बेफिकीर
मंगळ, 15/02/2011 - 19:16
Permalink
अनेक विरामचिन्हांमुळे जरा
अनेक विरामचिन्हांमुळे जरा खटकले. वृत्त हाताळणी छानच!
मतला आवडला.
धन्यवाद!
चित्तरंजन भट
बुध, 16/02/2011 - 13:51
Permalink
हजार वणवे उरात माझ्या चितेवरी
वा. विरामचिन्हे खूप आहेत. एकंदर छान.