पाय

@सर्वांस
आपल्या प्रांजळ अभिप्रायाबद्दल धन्यवाद. मी गझल लेखनास नवीनच सुरुवात केली आहे त्यामुळे आपणा सर्वांइतपत सराईतपणे मी गझल लिहू शकेनच असं नाही. बाराखडी आणि गझलेच्या व्याकरणाच्या अंगाने पण त्यात पुष्कळच चुका आहेत पण नवीन माणसास ते लगेचच साधेल असंही नाही.

नवीन माणसास एखादी गोष्ट आत्मसात करण्यास थोडा वेळ लागतो तसेच त्या क्षेत्रातील मान्यवरांचा सहवास सुद्धा लागतो. एखादी रचना थोडी नियमाबाहेर आहे असं सिद्ध झाल्याने ती प्रकाशित करायचीच नाही असा पायंडा पाडला तर मग नवीन माणसास आपण शिकण्याची संधी नाकारतो आहोत आणि त्यास नाउमेद करतो आहोत असं नाही का होणार?

माननीय सुरेश भट यांच्या सारख्या मान्यवरांच्या गझलापण सुरुवातीच्या काळात ओबड-धोबडच होत्या असं त्यांनी स्वतःच म्हटलं आहे. अनुभव, सराव आणि साधना यांनीच परिपुर्णता गाठता येते. त्यामुळे मला असं वाटतं की एखाद्या नवीन कलावंताची रचना आपणा सर्व प्रतिभावंतांएवढी परिपूर्ण नसेल तरी ती आपल्या साईट्वर नवीन कलावंतास उत्तेजन व गझल लेखनाचा प्रसार व्हावा या उद्देशाने प्रकाशित होऊ द्यावी. तरीही विश्वस्त व आपणा सर्व मान्यवरांचा परिपूर्ण लेखनाचाच आग्रह असेल तर मला खेद आहे. त्यामुळे या वेबसाईटचा नियमभंग होऊ नये म्हणून मी इथून पुढे माझ्या रचना इथे प्रकाशनार्थ देणार नाही. कारण त्या एका नवशिक्या कवीने लिहलेल्या असल्यामुळे तितक्याशा परिपूर्ण लगेच होऊ शकणार नाहीत याबद्दल माझी खात्री आहे.

किमंतु