जाग

जाग आजच्या जाग मराठ्या चेतव पेशीपेशी,

रायगडही आज झुंजतो अपुल्या अस्तित्वाशी..//ध्रु//

पुन्हा निधड्या छातींवरती झेला मयुरपिसे,

म्रुत्यूलाही मिरवीत दावू शौर्याची बक्षिसे...

माय मराठी द्वाही फिरवू आता देशोदेशी.....//१//

प्रसंग बाका डोमकावळे घिरट्या घाली वरती,

डाग मराठी रक्ताचेही गांधी टोपीवरती...

द्वेष मराठी खेळ खेळती दिल्लीचे दरवेशी....//२//

रोज नवी गरळ विषाची ओकती रकाने,

आपुलीच अस्मिता विकण्या काढली दुकाने..

दलाल चवथा खांब मागितो वाटणी पुरेशी....//३//

इतिहासाची पाने उलटून नेस मराठी बाणा,

शिवसूर्य प्रसविल्या मातेचा आटेल कसा पान्हा..

इथल्या दारादारांमधुनि ठाकेल उभा तानाजी.....//४//